Бетке арналған құнарландырушы маскалар
![Бетке арналған құнарландырушы маскалар](/userdata/news/news_51011/image_l.jpg)
Қыста бет терісі өзгереді, суық пен аяз оны сезімтал әрі құрғақ етеді. Тері өзінің серпімділігін және иілгіштігін жоғалтады. Қыстың соңы мен көктемнің басы – теріні «тірілтетін» керемет уақыт. Мұндай уақытта бет терісін құнарландыратын маскалар көмекке келеді.
Бетке арналған құнарландырушы маскаларды үй жағдайында жасауға болады. Бастысы өзіңіздің тері типіңізді анықтап, процедураны аптасына 1-2 рет қайталап тұру керек.
Бет терісін жылдам «тірілтіп», оны микроэлементтермен және дәрумендермен қоректендіру үшін мына масканы жасауға болады: 1 ас қасық езілген бананды 1 жұмыртқаның сарысымен араластырып, оған аздап зәйтүн майын қосыңыз. Дайын қоспаны бет терісінде 20 минут ұстаңыз. Содан соң салқын сумен шайып тастаңыз.
Қалыпты бет терісі
Қалыпты бет терісін құнарландыру үшін мына маска жақсы келеді: блендермен сұлы жармасын ұнтақтаңыз. Пайда болған ұнды тығыз ботқа болғанша айранмен араластырыңыз. Содан соң қоспаны бетке жағып, 30 минут ұстаңыз. Уақыт өткен соң, сумен жуып тастаңыз.
Майлы бет терісі
Бет терісін құнарландырып қана қоймай, сонымен қатар оған күңгірттік сыйлау үшін мына масканы қолдануға болады: 1 шай қасық қаймақ пен 1 шай қасық ашытқыны араластырыңыз. Қоспаның бетін майлықпен жауып, 15 минут жылы жерде ұстаңыз. Масканы бет терісіне массаждық қозғалыспен жағып, оны 20 минут ұстаңыз.
30 жастан кейін құнарландыратын маска
30 жастан соң тері иілгіштігі мен серпімділігін жоғалтып қана қоймай, айтарлықтай сусызданады. Мұндай теріні құнарландыру үшін сәбіз шырынын 9%-дық түйіршіксіз сүзбемен араластырыңыз. Нәтижесінде қаймақ тәрізді масса шығу керек. Оған 1 шай қасық бал салып, жақсылап араластырыңыз. Масканы бет терісінде 15 минут ұстау керек.
А. Жапатова