Ертең Астана қаласында Қазақ киносы апталығы басталады. Тәуелсіздік күніне арналған шара 15 желтоқсанға дейін жалғасады. Қала тұрғындары мен қонақтарына "Қазақфильмнің" қолынан шыққан көркем және деректі фильмдер ұсынылады.
Нақтырақ айтсақ, кино сүйер қауым келесі көркем фильмдерді тамалашалай алады:
«Аңшы бала» (режиссерлары - Ерлан Нұрмұхамбетов және Бекарыс Елубай), «Шал» (режиссер - Ермек Тұрсынов), «Лотерея» (режиссер - Дамир Манабай), «Жаужүрек Мың Бала» (режиссер - Ақан Сатаев), «Аңыздар кітабы. Сырлы орман» (режиссер - Ахат Ибраев) «Ер Төстік және Айдаһар» толықметражды анимациялық фильм «Болашақ үшін»
Сонымен қатар, "Қазақфильмнің" Тұрар Рысқұлов, Мажит Бегалин, Әбіш Кекілбаев, Асаналі Әшімов, тағы да басқа қоғам қайраткерлеріне арнап түсірілген деректі фильмдері көрсетіледі.
Апталық үстіміздегі 2012 жылдың 10 қарашасында 16.00-де "Аңшы бала" Оқушылар сарайында басталады. Көрсетілімдер "Керуен" сауда орталығындағы "Кинопарк - 7" кинотеатры мен Оқулышар сарайында өтеді. Кіру тегін.
Дайындаған: Еркебұлан Қайрахан
сурет: ifamous.me