Алматы қаласының Энерготиімділік және инфрақұрылымдық даму басқармасы басшысы Әсет Масабаев төтенше жағдайлар режімі аяқталғаннан кейін тұрғындарға коммуналды қызметақысын өтеу үшін 15 мың теңгеден таратылатынын жеткізді. Мұны басқармасы басшысы онлайн-брифинг кезінде айтты, деп хабарлайды Tengrinews.kz.
Басқармасы басшысының айтуынша, коммуналды қызметақының сомасы келесідей азаматтарға беріледі:
- 1-ші, 2-ші және 3-ші топ мүгедектерге;
- мүгедек баласы бар жанұяларға;
- көпбалалы отбасыларға;
- ҰОС ардагерлері мен тың ардагерлеріне;
- жалғызбасты зейнеткерлер мен аз зейнетақы алатындарға;
- атаулы әлеуметтік көмек алған азаматтарға;
- мемлекеттік, әскери, қоғамдық тапсырманы орындау, қоғамдық тәртіпті күзету, ғарыш кеңістігіне ұшу дайындығы кезінде қаза болғандардың жанұясына.
Осы топқа енетін жанұя мүшелері де өтемақы ала алады.