Голливуд актері Леонардо Ди Каприо өзінің Instagram парақшасында Сібірде өртеніп жатқан орман алқабы жайлы пост жазды.
Публикация от Leonardo DiCaprio (@leonardodicaprio)30 Июл 2019 в 11:19 PDT
"Солтүстік поляр шеңберіндегі барлық елді-мекен орман өртінен зардап шегуде. Көкке көтерілген түтін Гренландия, Сібір, Аляска маңынан, тіпті, космостан анық көрініп тұр. Халықаралық метеорологиялық ұйымның хабарлауынша, Швецияда 1 жылда бөлінетін көмірқышқыл газы Сібірде өрт кезінде 1 айдың ішінде бөлінген", деді Ди Каприо.
Голливуд жұлдызының Іnstagram желісіндегі парақшасына 33 миллион адам тіркелген. Соның ішінде, орыстілді оқырмандар белсенді пікір қалдырып жатыр. "Тіпті Леоның өзі пікір білдіріп жатыр. Біздікілер үнсіз", "Ол бізді естіді. Лео, жарайсың бауырым!", "Лео, рақмет досым. Мен Сібірденмін. Бұндағы халықтың жағдайына алаңдаушылық білдіргенің үшін саған ризамын" деген жылы пікірлер жиі жазылуда.
Еске сала кетейік, Ресейдің Сібір аймағында 26 шілдеде алапат өрт басталды. 31 шілдедегі деректер бойынша, 3 миллион гектарға жуық жер өртеніп кеткен. Тілсіз жау әлі ауыздықталған жоқ. Өрттің түтіні Қазақстанның 7 облысында байқалды.