KASE таңғы сессиясында доллар 355,52 теңгеге тең болды. Айта кетейік, бұл бағам тарихи антирекорд болып отыр.
Таңғы сессиядағы алғашқы келісім 354,6 теңгемен басталды. Ең төменгі баға да осы. Ең жоғарғы баға − 356,35 теңге. Саудаға валюта нарығының 17 мүшесі қатысты. Сессияда сауда көлемі 50,4 миллион доллардан асты. Ақша айырбастау орындарында шетел валютасы 354-357 теңге аралығында сатылып жатыр.
Еске салайық, бұған дейін тарихи антирекорд 2015 жылдың 21 желтоқсанында 349,2 теңгемен жаңарған болатын. Келесі күні Ұлттық банк төрағасы Данияр Ақышев баспасөз мәслихатын өткізді. Жиын басталар алдында теңге тұрақтанды, дегенмен бағам кейін қайта өсе бастады.
Дереккөз: Tengrinews.kz