Аргентина ұлттық құрамасы мен Барселона футбол клубының көшбасшысы Лионель Месси 2018 жылы Ресейде өтетін әлем чемпионатының фавориттерін атады. Бұл туралы TyC Sports телеарнасы хабарлады.
- Мен топтық кезеңде Испания құрамасымен ойнағанды қаламаймын. Олар – өте мықты қарсылас. Ал фавориттерге келер болсақ, Испаниядан өзге Бразилия, Германия және Франция құрамаларын айтуға болады, - дейді футболшы.
Қазіргі таңда Месси Мәскеуде Ресей құрамасы (11 қараша) және Нигерияға (14 қараша) қарсы жолдастық кездесуге дайындалуда.