Алматының «Қайрат» клубында ойнайтын танымал ресейлік футболшы Андрей Аршавин бәсте жеңілген қазақстандық тілші-блогер Петр Воликовтың шашын тақырлап алды.
«ОN TV» телеарнасының жүргізушісі Петр Воликов маусым басында «ресейлік жартылай қорғаушы 8-ден асық гол соғатын болса, шашымды тақырлап аламын» деген болатын. Ресейлік футболшы сегізінші голын соққаннан кейін Петрге бәсте жеңілгенін айтып, шашын алуын ресми түрде хабарлаған-ды.
Бүгін клуб қызметкерлері арнайы шара ұйымдастырып, Андрей Аршавиннің өзі тілші-блогердің шашын жұрт алдында тақырлап алды.