Балалық шақ – көк теңіздей, мұхиттай,
Көкіректе қоймас мейір ұйытпай.
Бағалай біл, балалықтың қадірін
Жүрегіңде жылы сақта суытпай.
Балалық шақ – патшалық шақ емес пе?!
Ойыңа ал, жеттің қандай белеске?
Балалық шақ – таусылмайтын той-думан
Еске сақта, айналдырмай елеске.
Балалығың, бал-бөбектік дәуренің
Балалыққа керекгі не әуренің?
Балалық шақ – бар қызықтың бастауы
Бүкіл өмір сезінерсің сәулесін.
Былдырлаған, бал тілі бар сайраған
Ойындарын бар мейірмен ойнаған.
Бал-балалық, естен кетпес естелік
Қызығына өмір бойы тоймаған.