Қазақстанда биылғы пітір садақаның мөлшері белгіленді

Қазақстанда биылғы пітір садақаның мөлшері белгіленді, - деп хабарлайды Tengrinews.kz "24.kz" сайтына сілтеме жасап. Биыл Рамазан айы 18 маусымда басталады, тура 29 күннен кейін мұсылман қауым қасиетті Рамазан айын қарсы алады.

Қазақстан мұсылмандары діни басқармасының наиб мүфтиі Серікбай қажы Ораздың айтуынша, пітір садақа мөлшері 200 теңге көлемінде белгіленді. Рамазан айына байланысты бүгін, 20 мамырда Қазақстан мұсылмандары діни басқармасы өкіл имамдарды жинап, мәжіліс өткізді. Бас мүфти Ержан Малғажыұлының құттықтауымен басталған жиында қажылық, уағыз-насихат жұмыстары, пітір садақа мөлшері, мешіттерге ат қою және имамдарға бірыңғай шапан үлгісін бекіту сияқты 12 мәселе талқыланды.

"Қатысушылардың қолдауымен бекітілген пәтуаға байланысты пітір садақа көлемі нақтыланып, киім киіс үлгісі де біріздендірілді. Оған сәйкес, облыс имамдарының орынбасыларынан бастап ауыл молдаларына дейін бір үлгіде киінеді. Барлығының шапандары бір тапсырыспен тігілген. Сондай-ақ, таяуда су тасқынынан зардап шеккендер мәселесі де шет қалған жоқ. Мәжіліс қорытындысы бойынша, қайырымдылық мөлшері анықталмақ", - делінген жарияланымда.