Тывалық ''Хуун-Хуур-Ту'' тобы ''Той Қазан'' фестиваліне қатысады

Фото: tn.kz

10 қыркүйек 2015, 11:57

Қазақстанның ұлттық асханасына арналған "Той Қазан" фестиваліне тывалық "Хуун-Хуур-Ту" тобы қатысады, - деп хабарлайды Tengrinews.kz тілшісі.

Үшінші "Той Қазан" фестивалін ұйымдастырушылар мен Tengri FM радиостанциясы Радик Тюлюш пен оның тобын шарада өнер көрсету үшін шақырды. Tengri FM радиостанциясының бас продюсері Жан Қастеевтің айтуынша, этникалық ұжым бір жарым сағаттық ерекше бағдарлама дайындап жатыр, оның ішінде тек белгілі композициялар емес, атақты музыканттардың жаңа туындылары да бар.

"Хуун-Хуур-Ту" өте мықты топ, төрт дауысқа төселген тамақпен ән салу дарыны кез келгенге берілмейді. Оны тек тыңдап көру керек", - деді ол.

"Хуун-Хуур-Ту" - музыкалық тобы, дәстүрлі музыка орындайды. Топ қолданатын аспаптар: игиле, хомус, дошпулуур, тунгур (бақсы сылдырмағы) және тағы да басқа.

Қастеевтің айтуынша, бұл топ алда болатын мерекенің форматына сай келеді. "Музыканттар ашық аспан астында өнер көрсетеді, олардың музыкасының атмосферасы ғажап және ол шара қонақтарын одан әрі әсерлендіре түседі, таулар мен көркем табиғат аясында осындай нағыз шығармашылықтан ләззат алуға болады", - деді радиостанцияның бас продюсері.

Айта кетейік, тывалықтармен бірге қазақстандық ди-джей Нариман Исенов өнер көрсетеді. "Этникалық және электрондық музыканың синтезі болады", - деді Қастеев.

Топ мүшесі Радик Тюлюш 2014 жылдан бері заманауи этникалық музыканың халықаралық фестивалі - The Spirit Of Tengri-ге қатысып жүр.

Фестивальде "Хуун-Хуур-Ту" тобынан бөлек отандық эстрада жұлдыздары да қатысады, олардың қатарында Нұрлан Абдуллин, Асылбек Еңсепов, Urker тобы мен Әли Оқапов бар.

Еске сала кетейік, Қазақстан халқының ұлттық тағамдары мен дәстүріне арналған екінші "Той қазан" фестивалі 19 қыркүйекте Алматыда Талғар ауданындағы "Алатау" шаңғы-биатлон кешенінде ұлттық Tengri FM радиостанциясының қолдауымен өткізіледі. Фестиваль сағат 11.00-де басталады.

Биыл фестиваль Қазақ хандығының 550 жылдығы, ҚР Конституциясының 20 жылдығы мен Қазақстан халқы ассамблеясының 20 жылдығына арналып отыр. Осыған орай "Жарасым" РЖҰ түрлі мастер-класс, қойылымдар болады, сонымен қатар, Баходир Джалметовтің жетекшілігімен қазақстандық каскадерлер аттың үстінде жүріп атудан шоу көрсетеді. Алматы әкімдігінің Спорт басқармасы аттың үстінде басқа да шоулар қояды. Сонымен қатар, "Алатау" кешенінің асфальт төселген жағында белгілі Василий Тарабаньконың жетекшілігімен өнер көрсететін автокаскадерлердің шоуы болады.

Анықтама телефоны: +7 747 649 68 40. Билет құны: 3 000 тенге, үш жасқа дейінгі балаларға кіру тегін. Билеттерді Ticketon.kz сайты арқылы, сонымен қатар Алматыдағы Red Dragon мейрамханасынан сатып алуға болады. Телефон: 2734788, +77019912709, Korean Houseул дәмханасы: +77024606020, Pizza Bravo мейрамханасы: +7 727 259 70 74, +7 727 259 70 75, El Plato дәмханасы, телефон: +7 7774035533.

Шара Алматы облыстық әкімдігінің қолдауымен өтеді, фестивальдің демеушісі - "Беккер и К".