Оқи отырыңыз

Ісіңізге, еңбегіңізге, оқуыңызға нағыз адамгершілікпен қарасаңыз, сөз жоқ, жеңіске жетесіз.

Автор: Қаныш Сәтбаев

— Редактор бағаны —

Массагетте пікір қалдыру мен блог жазу ережесі өзгерді
Массагетте пікір қалдыру мен блог жазу ережесі өзгерді

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Жігітсымақтар бастаған жол

Жігітсымақтар бастаған жол

Жігітсымақтар бастаған жол

Әйел адам бала тәрбиесінің негізгі тірегі болғандықтан оған артылытын жүктің ауырлығын бәріміз білеміз. Бірақ, қоғамда кейде ақылға сыйғысыз, кеңінен тараған «ұятты» жағдайға байланысты сіздермен ой тарқатсақ деп едік:
• Шетелдік азаматқа тұрмысқа шығу;
• Тұрмысқа уақытында шықпау, отырып қалу.

Мұның ешқайсысы жасырын емес, айналамызда болып жатыр. Бірақ, біз ешқашан адамның ішкі сезімі мен оның арпалысына мән берместен, таңдауына қарсы шығып, қоғамда қалыптасқан пікірді өзіндік пікірге алмастырып, барынша, оған өз дегенімізбен жүруді міндеттейміз. Дәл солай. Ол қыздың намысы тапталды ма, өзге де қорлықты көрді ме – бізді толғандырмайды. Жаңалықтардан естиміз де, «өзі кінәлі» деп жазғыра саламыз. Бірақ, өзінің таңдауы бойынша өмір сүре отырып, өзгелерден ерекшелене бастаса, оны «көргенсіздер» қатарына жатқызамыз.

Махаббат жасқа қарамайды дейміз. Махаббат нәсілге де, ұлтқа да қарамайды. Осыны да ұмытамыз. Санамызда қалыптасқан стереотип бойынша біздің белгілі бір кеңістік аумағында ғана таңдау жасауға мүмкіндігіміз бар. 
Адамның тағдыры бар, басқа салғанына көнеміз дейтін болсақ, қыздың қазіргі өміріне бола неге сонша күйінесіз? Мүмкін, қиыншылықта сөз ететін тағдыр мәселесі осындай жағдайда да байқалатын шығар. 
Бірнеше апта бұрын ғаламтор беттерінде ұяты ойламаған жерден оянып кететін "намысқой" жігітсымақтар көшеде шетелдік азаматпен кетіп бара жатқан қазақ қыздарын қуып жүріп, видеоға түсіріп, таратқан болатын. Жеке бастың мүддесіне қол сұғу арқылы заңға қайшы келіп қана қоймай, адамның рухани сезімімен ойнағаны үшін жазалануы керек пе еді деген ой да туады.

Одан бөлек, айналаңызда жасы 30-ға келген, әлі тұрмыс құрмаған әпкеңіз (апаңыз), сіңіліңіз, қарындасыңыз бар шығар. Туыстарыңыз бас қоса қалса сұрайтыны “Қашан күйеуге шығасың?”. Сіз тарс етіп бұл сұрақты қойдыңыз, ал қыз байғұстың ішкі дүниесіндегі арпалысты сезбейсіз. Оның ішінде жүріп жатқан ішкі майданды көрмейсіз: “ Күлгеннің бәрі бақытты емес...” Кейбір адамдардың бойында туа бітті еркелік, қылықтылық пен нәзіктік болады. Ал, кейбір адамдар ондай қасиетке қол жеткізу үшін еңбектену керек. Жасанды көрінетін сол қасиеттерді бойынан оятуға тырысады. Батылдық, лидерлік қасиеттерді тұншықтырады. Енді бір адам қанша тырысса да, қолынан келмейді... Қолынан келмегендер жалғыз қалуға мәжбүр болады. Бірақ, ол себепті ешқашан айтып көрсеткен емес: оның орнына адамдардың бәрі қабылдайтын «мінсіздік» синдромын қалыптастырып алады... 

Сіз үшін жалғыздық деген не? 
Мен үшін жалғыздық сенің жағдайың қызықтыратын жанның табылмауы. Сенсіз өмір сүре алатын, сені еске алмайтын, сенің қажеттілігің сезілмейтін тобырдың қалыптасуы. Өмірде өз жүрегінің иесін таппағандар сол сезімді басынан кешері анық. Ал сіздің аңдаусыз қойған сауалыңыз бір адамның жылдар бойы күрескен майданында жаралы болуға мәжбүрлейді. 

Біз ойланбай әрекет етеміз. Белгілі бір нәрсенің байыбына бара бермейміз. Өзіміз байқағымыз келген нәрсені  ғана көреміз, соған қарап-ақ түйін жасаймыз. Ұят деген нәрсе бар. Бірақ, оның қолданатын аясы бар. 

Қыз баласы еңбек жолын таңдаса ол – ұят емес. Бар болғаны, оның таңдауы. Қыз баласы қалаған адамына тұрмысқа шығады. Ол – ұят емес, ол – таңдау.

Қарапайым дүкенде қара мен ақ нанның ішінен, ақты таңдағаныңыз үшін сізді «расист» деп айыптаса қалай ақталар едіңіз? Бұл да сол секілді. Егер, шынымен, өзіндік оймен өмір сүруді қаласаңыз, қоғамның адастырма жолына ілеспеңіз. Әркімнің бір құпиясы бар... Тіпті, сіздің де.

Рейтинг: +3

Жазылған уақыты: 21 ақпан, 13:07
Тегтер: махаббат, қыздар,таңдау
Пікірлер
+0
21 ақпан, 13:33

Қ ыз баласының басты мақсаты жар болып, дүниеге ұрпақ әкелу. Сіздің еңбек ету туралы пікіріңізбен келісе алмаймын. Ұшқары пікір.

+0
21 ақпан, 13:33

Қ ыз баласының басты мақсаты жар болып, дүниеге ұрпақ әкелу. Сіздің еңбек ету туралы пікіріңізбен келісе алмаймын. Ұшқары пікір.

+0
22 ақпан, 10:57

Мен қыздар тұрмысқа шықпасын деген жоқпын. Бар болғаны, олар еңбек етуді таңдаса, бұған бола оларды жазғырып, оларды кінәлауды тоқтатқанымыз жөн дедім.

+3
21 ақпан, 17:08

. Сенің осы блог арқылы өз көзқарасыңды білдірдің делік. Күйіп-піспей бірнеше нәрсе айтайын:
- Иә сен де осы блогты ойланбай жазғансың. Бірақ өзің ойлану туралы сөз қозғапсың.
- Бір нәрсені ұмытпаған жөн. Мың жерден керемет махаббат болса да, құдайың мен мұсылман екеніңді ұмытпау абзал. Махаббат деген адамға емес Құдайған. Содан кейін барып басқасына деген адал махаббат тарайды.
- Ол видеоны мен де құптамаймын бір-ақ мақасатта: жеке адамның өміріне қол салуы ретінде оны видеоға түсіргені. Өзің айтқандай "жігітсымақтар" әңгімесі.
- Сенің ойыңнан қорқайын дедім. Сенің арманңыдағы жігіт корей ұлтынан, не АҚШ -тағы өзінің нақты ұлтын білмейтін бір халықтан шықақан "нига" болуы да ғажап емес. Сен оны махаббат деп түсінесің. Ал сонда бірінші орындағы отбасының, ата-ананың, олардың берген тәрбиесі қайда? Оны қойшы анаңның сүтін "қазақтың" қанынан алып іштің ғой. Абай айтады: "Ақыл, қайрат, жүректі бірдей ұста" деп. Ендеше сезім екен деп баспен кетуге бола ма?
- Сеніңше, шет елдік жігіттер саған есік ашып берер, сөмкеңді көтеретін болар немесе бай бір кәсіпкер болар. Сонда сен үшін махаббат соның байлығында ма әлде оның саған үнемі жасайтын сыйластығы ма? Ең қызығы осы қасиеттерді бірде-бір қазақ жігітінен көре алмадың ба?
- Қыз баласы егер мұсылман болса, оған өзге дін өкіліне шығуына болмайды. Себебі оның ұстанатын діні -ислам. Ал ол жігіт пұтқа табынып жүріп, сені де табындыруға үгіттейді. Сен ой махаббат қой деп көнесің. Ал арғы жақты ойламадың ба?

Блогтардың оқып тұрам. Бір интеллектуалды түрде жақсы жазып, ой салмасаң да, ойландырып жүр едің. Мынау шынымен өз қолыңмен жазған блог болса, сен әлі қоғамға шыққан жоқсың немесе еуропалық идеологияның құрбанысың.

+0
22 ақпан, 11:04

Ойланбасам, бұл блог жазылмаста еді. Құдайдың бір екенін де ұмытпаған жөн. Басқа діндегі сенетін адамдардың құдайы сол құдай. Мен ешқашан шетел азаматына тұрмысқа шығам дегенді айтқан емеспін. Себебі, мен ата-анам "шетел азаматына тұрмысқа шығу еліңе сатқындық жасау" деп үйреткен. Мұны да, қоғамның "пікірін" де қолдаймын не қолдамаймын деген бір жақты пікір де қалдырмадым. Өйткені, менің санамда қалыптасқан нәрсе бойынша мен айналамда болып жатқан нәрсенің бәріне бейтарап қараймын. Қоғам жамандады екен деп артынан еруден аулақпын. Мен тек мұнда

+0
22 ақпан, 11:10

Мен тек мұндай шешім қабылдап, әлдеқашан тұрмысқы шыққан қыздарды сөгіп, оларды балағаттап, тәрбиесі мен болмысына тіл тигізуді доғару керек деген пікір қалдырдым. Айтып өткенімдей, ол – таңдау. Сіздер "ойбай, ойбай" дегеннен дым өзермейді. Ол оның адам ретінде таңдауы. Сіздің сүйген қызыңызға көрші ауылдың қызы болғаны үшін үйлендірмей қойса не істер едіңіз? Ол қыздың таңдаған жарының "мұсылмандағы" талай қазақтың "мұсылмандығынан" артық шығар. Адамды тапқа, ұлтына, руына қарай бөлу меніңше, ең сорақы әрекет. Өйткені, оны адам таңдамайды. Сіз айтпақшы құда

+1
22 ақпан, 11:16

Сіз айтқандай құдай солай жаратты. Екіншіден, мен үшін азаматтың бай болуы маңызды емес. Тіпті,ер азаматтың әйел сөмкесін көтеріп жүргеніне жиіркеніп қараймын. Ал, есік ашуға келетін болсақ, мен үшін танымайтын біреудің жолынан қалғанын, болмаса артық нәрсеге уақытын жұмсағанын жек көремін. Сіз айтқан үш қасиет те мені шетелдікке тұрмысқа шығуға мәжбүрлемейді. Қазақ жігіттерінің бойынан жігітке тән қасиет көрмесем, қазақ жігітіне ғашық болмас та едім. Негізі сізге бір рет оқып шығуға кеңес беремін. Өйткені, менің ойымды түсінбепсіз. Ой салатын дүние жазбасам, ойланбаңыз, мүлде оқымаңыз) Есесіне, жүйкеңіз тыныш, ұйқыңыз қанық болады. Пікіріңіз үшін рақмет...

+0
22 ақпан, 01:03

Жазғаныңды түсінсе болады

Бірақ

Қазақтар түсінбейді .

Ойыңмен келіспеймін

Қазақ болып махаббат деп баска ұлттың етегін ұстаған қыздарды жаман көрем

Бәрі күйдім сүйдім деп баска ұлтқа кете берсе ЖОҒАЛАМЫЗ .


+1
22 ақпан, 11:18

Сүйдім, күйдім деп өзге ұлттан қыз алып жатқанға не дейсіз? Қанша дегенмен, тәрбие мен "сүт" ана бойынан тарайды ғой...

+1
22 ақпан, 16:39

Томирисжан, айналайын! Сонда да бір ойланып көрші тағы бір...Ақылды қызсың ғой. Ұлтың болмаса ешкім емессің. Құдай бекерден бекер ұлтқа, нәсілге бөліп жаратқан жоқ адамды. Сен тырнақшаның ішіне алып қойған ұят сақтайды бізді. Әсіресе, қыз баланы. Мен өз көзқарасымды таңбаймын. Бірақ, сен сияқты ойлайтын қыз балаларды (қарындастарымды) көргенде ішім ашиды кейде. Ұлттық құндылықтармен қаруланбасаң, жоғарыдағы Бейбарыс айтқандай өзге идеологияның құрбаны боласың. Бұл оның таңдауы, өз еркі деп еркіне жіберуге болмайды-ау. Шектен тыс еркіндік еліруге апарады. Ақыл айтты демессің, бірақ қазақтың бай, терең ұлттық жауһарларын тағы бір оқып шыққайсың.

+0
22 ақпан, 17:23

Шынымды айтсам, оны оқығаннан менің пікірім өзереді деп ойламаймын. Менің ақымақтығым осы арқылы көрінсе, оған да қарсы шықпаймын. Өйткені, ақылдылар қатарына ешқашан өзімді қосқан емеспін. Мен шынымен, атап өткенімдей қолдаймын немесе қолдамаймын деген пікірді нақтылап айтқан емеспін... Ол тұрмысқа шығу саласында емес. Гомесексуалдар жайында да дәл солай. Сол бағытты таңдағандарды сөкпеймін, бар болғаны балама бұл нәрсенің адам табиғатына қарсы екенін түсіндіру үшін жұмыстанамын. Менің қолымнан келетіні сол ғана. Шетелдіктердің қолынан ұстаған жандар үшін де солай. Мен өзелер секілді ол адамды жазғырып, оның артынан неше түрлі әңгіме айтып, көргенсіз, санасыз, ұлттан безген деген нәрсенің айтылмағанын қалаймын. Өйткені, оның бәрі – бүкіл жамандықтан ақтап алатын "МАҢДАЙҒА ЖАЗҒАНЫ". Менің ойымдағы негізгі нәрсе – сол. Біз жеке адамның таңдауына сыйластық білдіруе дәрменсізбіз (сол себептен халық өз ойын айтудан қорқады) Қоғам дұрыс емес десе, дұрыс емес. Дұрыс десе, дұрыс деген оймен жүреміз. Ешкімді талқылаудың, оның өміріне қол сұғудың қажеттілігі жоқ. Дұрысында, өзіміздің "саналы" өмірімізді жалғастыра беру ғана.

+0
23 ақпан, 14:04

Мен пікір жазсам бола ма Томи?

+2
24 ақпан, 18:42

Осы мәселе жайлы мен де көп ойласып жүрмін. Бірақ тек өз ойымды ған жаза салмай, жан-жақты зерттеп, ойымды толық пісіріп барып, блог етіп үндеу жазғым кеп жүр. Өйткені адамдар әр түрлі және әрқайсысының өз пікірі бар. Бірақ бір жаманы әркім өз пікірін ақиқат деп санайды да, өзгенің пікірі оның пікіріне ққарсы келсе, жеп қоярдай болады.

-2
26 ақпан, 13:31

жақсы блог казакстанда есі дурыс жигит жок ол дуниеге келмеген
ондай жигит жок казактын жигиттери не идеалный
мысалы psy кушти жигит ол актер вопшето пак чи хьен аты

+0
26 ақпан, 13:41

Әкеңіз, ағаларыңыз қазақ емес пе еді?

+0
12 наурыз, 10:57

Мен ешқашан Қазақстанда есі дұрыс ер жігіт жоқ деп айтпадым. Өйткені, мен қазақпын. Әкем, ағам, атам қазақ. Есі дұрыс адам болмаса, мен қазақ жігітіне ғашық болмас едім. Ал, сіздің ойыңыздан қорқайын дедім. Танымайтын адамды, сыртына қарап, күшті деуіңізге қарағанда сіздің де есіңіз орнында емес.


+0
26 ақпан, 13:48

адамнын өзіне байланысты

+0
26 ақпан, 13:54

неге ондай сұрақ жаздыныз ,ұлттын қатысы жоқ деп ойлаймын,тек мен өзге ұлтты сыйлағандықтан солай жауап жаздым

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.