жеке
блог

"Шашылып түскен тіркестер" А.Сүлейменов

Ақпанның 20 күні, жазушы, әдебиет сыншысы, драматург — Асқар Сүлейменовтың «Болмыспен бетпе — бет» атты кітабымен таныстым. Аталмыш кітапта «Шашылып түскен тіркестер» деген тарау бар. Осы тарауда қанатты сөздер жазылған екен. Солардың бірәзімен бөлісе отырсам.

— От пен түтін, адам мен қылмыс жатырлас.

— Қаланың паспорты — такси мен базар. Мен үшін — такси.

— Ашуға ерік берген адам босанып кеткен қабағанмен бірдей. Онсыз да көп қабағанды бүгінгі күн қарақұрым қылды.

— Өтірікті кешіруге болады, тек ақтауға емес.

— Кей кетіктің тарағы да кетік боп келеді.

— Таранбаған әйелде бір мекиеннің, таранған әйелде екі мекиеннің миы бар.

— Экономикалық қауіпсіздіктің мәселесі, ең алдымен, ұлттық қауіпсіздіктің мәселесі.

— Ең терең идеялар — қиын идеялар.

— Білмеген мін емес, білместікке көнген мін.

— Түс — күндіз бұққан ойдың ойыны.

— Жездең таз болса, темір тарақ сыйла.

— Кісілігін жоғалтпаса жауыңның қайсібір иттігін кешіруге де болады.

— Шын режиссура — жүрек сияқты. Соққаны білінбейді.

— Ұяла алмаған адам — өлік.

— Ажал келмейді. Ажалға барасың. Барған бетте аудиенция береді.

— Әйел дәлелдермен емес, сеніммен тіршілік кешеді.

— Достық, ең алдымен, еркіндік.

— Сөз — құлын да, ой — жылқы.

— Ашық айту — анық айту болғанмен, ақиқатты айту емес.

— Сүрінгенін секіргендей көрсете білер бар.

— Қазақтың екі «жауы» бар. Бірі, дос — жауы — Абай. Қалғандары — қас жауы.

— Мінсіз шығарма жазу оңай. Қиыны — ғұмырыңды мінсіз шығармаға айналдыру.

 Қысқаша, жазғанда осылар. Журналистің міндеті инфоны беру. Ал қорытуды оқырманға қалдырамыз :)

Бөлісу:
Пікір қалдыру үшін сайтқа кіріңіз
Өзгерту



Жұлдызды блогтар

Жайлауға атпен бардық // Екіаша, Көкбұлақ, Шет Меркі, Орта Меркі
Жайлауға атпен бардық // Екіаша, Көкбұлақ, Шет Меркі, Орта Меркі
Шет Меркі өзені, Тоғызбұлақ ауылының тамаша табиғаты
Шет Меркі өзені, Тоғызбұлақ ауылының тамаша табиғаты
Ораза айының өңірлер бойынша кестесі
Ораза айының өңірлер бойынша кестесі