Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Менің әпкем

Менің әпкем

Менің әпкем

Бұны әңгіме дейсіз бе, әлде шағын естелік дейсіз бе оны өзіңіз біліңіз. Анық білетінім, қолыма қалам алғызып отырған сағыныш. Балалық шаққа деген, қазіргі уақытта Балқаш қаласында ұстаздық қызмет атқаратын әпкеме деген сағыныш. Біздің Қарағанды төңірегнінде өзінен үлкен қыз баланы апа деп те айта береді. Жалпыға түсінікті болу үшін жазып жатқаным ғой. Әпкем екеуміздің қызығымыз көп.
Алғаш әріп үйретіп, есеп амалдарын шығару жолдарын үйреткенінде мен 5 жастамын. Газеттерді судыратып оқитын дәрежеге жеткізді. Үйге келген қонақтарға көлдей «Лениншіл жасты» оқып берем. Не жазылғанын түсініп жатқан мен жоқ, мақтауға марқайып жүре беремін. Әріп үйренгенім өзіме сор болды. Әпкем енді «Жарты сағатта қыс туралы өлең шығар, жаз туралы өлең шығар»деп қинайтын болды. Аңда-санда қалам алып, қағазға өлең жолдарын түсіріп жататынымыз да сол әпкеміздің арқасы.
Әпкем бала кезінен ұйымдастырушылық қырынан таныла білді. Біздің шағын Талдыбұлақ ауылының шеткері үш үйінің балаларын жиып, мереке сайын концерттік бағдарлама дайындайтын. Үй арасындағы бағаналарға жарнама ілгенді мен сол кезде әпкемнен көргем.
Таудың бауырын жанамалап тас жол өтетін. Сол тас жолға қызық үшін әпкем біздерге тас төсеткізеді. Жүргізушілердің тоқтап, тасты тазартқаны, ашуланып боқтағаны өзіне қызық шығар. Бірақ маған қорқынышты еді.Ши арасында жасырынып жатқан біздер, боқтықтан соң қашпақ болсақ әпкем жұдырығын көрсететін. Әпкемнің жұдырығы өзіме мәлім, одан да жүргізушіге ұсталған жеңілірек.
Жаз келді дегенше поход басталды дей бер. Походымыз тауға шығып, үйден дайындап алып шыққан тамақтарды жеп қайту. Көрші Ербол деген бала екеуміздің міндетіміз жол жиегіндегі белгілерді алып (дорожный знак), тау басына стол дайындау. Қанша жол белгі апарғанымызды бір Алла білер.
Әпкем әйтеуір жаңалық тапқыш. Кімнен естігенін қайдам, бір күні жатарда басына домбыра және нан қойып жатты. Себебін сұрасақ түсіне нан кірсе нан соғар болады-мыс, домбыра кірсе теңдессіз домбырашы болмақ. Анығы әпкеміздің түсіне екеуіде кірмегені.
Әпкемнің ұйқысы қатты. Кеңестік ұйқыдан оятқыш сағаттарға ояна қоймайтын. Адамнан айла артылған ба, оның да емі табылды.Өзінің аяғына жіп байлап, бір ұшын менің аяғыма байлады. Ондағысы әпкем аунағанда мен ұйқыдан оянып сағатты қарауым керек. Құдайға тәуба сабақтан қалып көрмедік.
Әпкемнің жатарда айтатын тақпағы да өзгеше:

Жаттым, жаттым жан Алла

Тұрғыза көр Иншалла

Тұрғызбасаң Иншалла

Лә илләһа Иллалла.

Жел тұрса күзге салым ауылдық жерде қаңбақ домалайды. Қораның артында үлкен қазан шұңқыр бар болатын. Сол жылы шұңқырды қаңбаққа толтырдық. Әпкем жиналған қаңбақтармен аспанға ұшпақ болған еді. Алыстан қаңбақ көрінсе, түлкіге ит қосқандай қосып жіберед. әкелген қаңбағың бүтін болмаса еңбегіңнің еш кеткені. Әйтеуір аспан әлеміне сапар шектіретіндей қатты жел тұрмай жанымыз қалды ғой.
Ауылдық жерде тірлік жермен тікелей байланысты. Жауын жаумаса шөп, егін шықпайды. Әпкем оның да оңай жолын тапты. Жаңбыр жаудыру үшін бақа өлтірсеңіз болды, кешке я болмаса ертеңіне жауын жауып береді-ай бір. Әлде бұл жай ғана сәйкестік пе екен? Әйтеуір сол жылы жаз жаңбырлы болды.
Кесіртке атты бауырымен жорғалаушылар класына жататын жәндік бар. Менің білетінім олардың түсі қара-қоңыр және жасыл (шөп түстес) болады. Сол кесірткелер де екіге бөлінеді екен. Оны әпкем болмаса мен сорлы білмей өтер ме едім.Олардың да мұсылманы мен кәпірі болады екен. Анықтау да онша қатты қиын шаруа емес. Көзіңізге көрінген кесірткеге «Мұсылмансың ба, кәпірсің бе?» деп айқайлайсыз, қаша жөнелсе кәпір болғаны. Оған жер бетінде орын жоқ. Әпкем айтты бітті, өлтіру парыз және сауапты іс. Кеңестік-атеисттік жүйенің әсері ме екен, сол кездерде мұсылман кесірткелер көп кездесе бермеуші еді.Қазір ойлап қарасам қашпай қалғандарының аяғы біздің айғайымыздан қарысып қалған болар.

5371 19
Рейтинг: +0

Жазылған уақыты: 23 қаңтар 2012, 10:25
Тегтер: Әпке, мектеп, қаңбақ, кесіртке
Пікірлер
+0
23 қаңтар 2012, 11:11

Осы әңгімеңді осымен үшінші рет оқып жатқан шығармын )))

+0
23 қаңтар 2012, 11:27

Жаттап алған шығарсың))

+0
23 қаңтар 2012, 11:31

Қазақ блоггерлерінің көшпелі-ауыспалы заманында Әбіләкім қайда көшсе, сол жерде осы жазбасы бірінші пайда болады. ))

+0
23 қаңтар 2012, 11:33

Әпкемді қатты сыйлаймын.Бұл менің нем ғой,нем...көрсетіп кіріп кететін не еді әлгі,сол обшым

+0
23 қаңтар 2012, 12:05

Қарағанды облысы, әсіресе, БАЛҚАШ ӨҢІРІ маған керемет аймақ сияқты көрінеді. Барып көрмеппін. қарағандылықтар - жаны таза адамдар!!!

+0
23 қаңтар 2012, 12:20

Иа, Әбіләкімнің жанының тазалығына өзімнің күмәнім жоқ :) ықықық

+0
23 қаңтар 2012, 12:23

Бекең марқұмда өлерінде ықылық атып еді,арты жақсы болғай)))

+0
23 қаңтар 2012, 12:47

Маған ұнады! "Сен тимесең , мен тимен" боп жүретін адамдардан гөрі осындай "концертті қойып" , "картопты жарып" жүретіндерді жақсы көремін)))

+0
23 қаңтар 2012, 13:02

Сондай қызық естелік! "Әріп үйренгенім өзіме сор болды" хихихи! )). Жаңбыр жаудыру үшін қанша бақа құрбандыққа шалынды екен а?)))

+0
23 қаңтар 2012, 14:01

Бауырыма рахмет. Өткен күнімді еріксіз есіме алдырды. Мен өзім Тасбақаны теріс айналдырып қоюшы едім. Құрбақа жайын білмеппін. Енді, перзенттеріме үйрететін болдым.

+0
23 қаңтар 2012, 14:05

Әлі талай бақаның өлетініне сене беру ғана қалды мен үшін)))

+0
23 қаңтар 2012, 15:10

))) құмырсақааны да, орыс қазақ деп бөлетін едік қой, ) сұр болса орыс, қара болса қазақ деп...)

+0
23 қаңтар 2012, 15:48

Мен шымалдарды неміс деп, құмырысқаны орыстар деп бөлетін едім. Шымалдар шақса өлтіреді ғой тура. Сол шаққан шымалдары өртке өртеу жазасына бұйырып отқа тастаушы едім. Айта берсем балалықпен жасаған істер тым көп. Еске аларым бар... Сол үшін қуанам. балалығы болған жан, бақытты жан деген. Бақыттарыңыз баянды болғай!

+0
23 қаңтар 2012, 16:29

қара құмырсқаны қызыл құмырсқаның илеуіне тастап қызық көруші едім.

+0
23 қаңтар 2012, 16:20

"Өзінің аяғына жіп байлап, бір ұшын менің аяғыма байлады. Ондағысы әпкем аунағанда мен ұйқыдан оянып сағатты қарауым керек. Құдайға тәуба сабақтан қалып көрмедік"... Әпкеңіз керемет адам екен! езуім жиылмады ғой мына посты оқып алғасын...

+0
23 қаңтар 2012, 16:39

Әңгімеңізді оқып, көзімнен жас аққанша әбден күлдім-ау :)))

+0
23 қаңтар 2012, 21:04

Вордпресстегі блогтар тарту. Серьезный посттар жазылды гой Ворлпресіңде

+0
25 қаңтар 2012, 14:27

осы жерде де солай болады

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев