Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Сетінеді, достықтың алтын өрнегі..

Сетінеді, достықтың алтын өрнегі..

Сетінеді, достықтың алтын өрнегі..

Дос ұғымын  Алатаудай биік, қозғалмайтын қамал деп түсінетінмін. Досқа адал болу, қажет кезде көмегіңді аямау - тағы бір салмағы басым жауапкершілік. Сыныптас достарым (барлығы жігіттер) - мен үшін кейбір бауырларымнан артық көретін алтын жандар. Біз барлық жерде бірге болатынбыз, туған күн, той, мереке күндері. Жан-жақтан 20-30 достар жиналып, Тараз, Алматы, Түркістан қалаларында дүркіретіп тек сыныптас достардың әдемі әзіл-қалжыңдарымен өткізген кездесулерге сол қалалардың жолдары, сәулелі күні мен жарқыраған жұлдыздары куә. Қапшағайдың ауасымен тыныстап, көлінің жағасына құмнан сурет салып қайтатаныбыз. Барлығы жігіттердің еңбегі. "Қыздар сендер тек біздің қасымызда жүріңдерші, күйеуге шықсаңдар да бізге келіп тұрыңдар, бізге сендерсіз қызық емес" - деп бізге шексіз құрметтерін аямайтын. Сыйлап, төріне шығаратын. Көптің аузында жүретін, ұйымшылдықпен үлгі болып. Семьялы болған аға буындар мен етегіне жармасқан баласын жұбатып, үй шаруасымен бас қатырып жүрген апайлар:"әйй, қалады кейін достарың, жан-жаққа кетесің тарап-тарап" деп жөнімен кете беруші еді. Елемеген сыңай танытып, гүбір-гүбірді жалғастыратынбыз. Аталарымыз айта алмай кеткен ақылдарын да достардан естідік. Көмектерін де аямайтын қолдарынан келгенше. Алматыға барғанда аяғымды жерге тигізбей, қажет жерге жеткізетін. Шуылдап жүріп мені автобусқа шығарып салатын. Сол кезде осындай достарыммен мақтанып, төбем көкке бір елі ғана жетпей қалатын. Еее, алдағы ащы күндерді сезді дейсіз ба сонда?! Бірінен кейін бірі ақ құстарын қолдарына қондырып, өз өмірлерімен кете барарын кім білген?! Ал, мен баяғы достарды аңсаймын, құрметтерін күтемін. Бірақ, болды ғой, бұрынғыдай әзіл-қалжыңдары қайда, отбасылық проблемалары тұрғанда. Соңғы 2 айда 4 сыныптасымның үйлену тойлары өтті, барған жоқпын. Ең бірінші шақырылған тойға жұмыстан сұрана алмай, сүмірейіп қала бергем. Содан кейінгілерге де бармадым, зауқым соқпай. Өйткені бұрынғы балғын достардың бейнесі жоқ қазір оларда. Тіл табыса алмайтын сияқтымын. Болды, достармен ат құйрықты кесісемін деп топшыладым. Жоқ, көшеден көріп қалып, оларға деген ықыласымнан арыла алмадым. Барлығы жан-жағымнан амандығымды сұрамастан, "тойларға неге келмедің, тек соған жауап бер" деп талап еткенде, семьялы адамдардың қасында өзімді ыңғайсыз сезінетінімді айта алмадым.....Оданда маған виртуалды әлемде рахат).

4064 20
Рейтинг: +1

Жазылған уақыты: 03 қараша 2012, 19:14
Тегтер: достар, сыныптастар, үйлену, үй болу, той
Пікірлер
+0
03 қараша 2012, 21:41

Достар ашу үстінде бір біріне ауыр сөздер айтса да , жеме жемге келгенде бір бірін қия алмайды . Жақын оттың жарығы күшті демекші , достық та сондай , Көзден кетсе , көңілден болады ұмыт деген .

+0
04 қараша 2012, 00:19

рас-ау..

+0
03 қараша 2012, 23:58

Өте шынайы жазыпсың, расымен әрқайсысы өз шаруаларымен кеткен шығар... Мен сыныптастарымның көбімен араласпай қалдым. Алматыда үш түйір қалдық, қалғандары болса, Оралда. Оралға барған сайын көрісеміз десем, өтірік болар, бірақ обалдары не керек, жиналып жатса, шақырады.

+0
04 қараша 2012, 17:08

шақырып жандары қалмай жүреді, бірақ өзіңнің көңілің бұрмайд :(

+0
04 қараша 2012, 00:13

Мен де араласудан қалдым. Негізі, есейе келе достықтың бұлты сейілетін сияқты. Өз әке-шешелерімізге қарайықшы, тек тойларда ғана бастары қосылады. Әмпай-жампай болып, сырласып жүргендері екіталай. Бәрін уақыт көрсетеді, қалғандары қалады, кеткендері кетеді.

+0
04 қараша 2012, 17:06

ия, уақыт жарықтық бәрін рет-ретімен қоя береді екен ғой...

+0
04 қараша 2012, 00:34

Есейе келе демей ақ, бітіргеніміз кеше еді, уже араласпайтындар бар :? :?

+0
04 қараша 2012, 00:39

көп сөзге келіп қалатын бір сыныптас қызым бар ед, соған өткенде "выпускнойдың суреттері неге сапасыз шыққан?" деп сұрап едім вк-да (суреттерге мен жауап берем деп қоймай өз таныстарын жалдаған), сөйтсееем ол шырағым мені достарынан өшіріп тастап, заблокировать етіп тастапты :lol: :lol: :lol: "ой, ақымаааақ" дедім де қойдым :mrgreen:

+0
04 қараша 2012, 01:27

Сыныптастарыммен бір ауылда тұрып жатқандықтан анау айтқандай сарғайып жүргеніміз жоқ. Бір жыл көріспесек те бір ауылда жүргесін аңсай қауышу деген маған таныс сезім емес. Жан-жаққа тарап, арамыз ұзап кеткені шамалы, сол себепті досты аңсау, досқа ренжу, достан ажырау деген сияқты жағдайларды онша түсіне бере алмаймын бастан өтпегесін...

+0
04 қараша 2012, 19:47

"Алматыға келсем, осындағы сыныптастарым табанымды жерге тигізбей, көтеріп, құрметтеп жүреді" дегенде, шыны керек, қатты қызығып, сен үшін сондай қуанып едім. Себебі, ондай достарды мына заманда табу қиын. Қуанышыңмен бөлісіп, қайғыңмен ортақтасатын жандар өте аз. Өзіңе айтарым, байланысыңды қалай болғанда да үзбе. Себебі, виртуалды өмір саған сол шынайы өмірдегі сыйластық пен мейірімділікті көптеп әкелмейді. Менің біраз достарыммен мектеп, ЖОО бітіргелі байланысым үзілді. Бірақ, үзілді-кесілде екі жақ "бітті, араласпаймыз" деген жоқ. Әр түрлі жағдай бірі ауылына кетті, бірі тұрмыс құрды, бірі сотталып кетті, бірі "жұлдыз" болып, көкірегін кернеп кетті. Бір айтарым, барлығымен дерлік етене жақын араласпасам да, көрген жерде сәлемім түзу.

+0
04 қараша 2012, 22:29

ия бізге бәрі қызығатын, мен олармен мақтанамын, дегенмен өмір өзі жөнімізбен жөнелтеді екен((

+0
04 қараша 2012, 20:45

Өмір солай. Тіпті туған бауырларыңмен де бірге тумақ бар да бірге тұрмақ жоқ.Есейе келе әркім өз ортасына, өз уақытына қарай араласады.Мектептегі кезең, универдегі, жұмыстағы, жаңа жұмыстағы дегендей. Біздің өміріміз тек естеліктерден ғана құралатындай...

+0
04 қараша 2012, 21:01

Иәәәә, өте дұрыс айтасыз. Тек естеліктерден ғана... Өкінішті

+0
04 қараша 2012, 22:32

қазір сурет шығаруды қойып кеттік қо, үйдегі суреттерімнің көбісі сол достармен түскен суреттер екен, естеліктер әдемі

+0
04 қараша 2012, 22:30

ия бірге тумақ бар да, бірге тұрмақ жоқ...

+0
05 қараша 2012, 11:17

Біз әлі де әңгімемеміз жарасатындарымен жақсы араласып тұрамыз. Менен басқа тұрмыс құрмаған 3-құрбым бар. Ал басқалары, әсіресе жігіттердің барлығы дерлік тұрмыс құрған. Бірақ бір байқағаным, олардың өмірге деген көзқарасы басқаша қалыптасқан, қызығушылықтары да өзгеше. Олардың көбіне "интернет" деген ұғым, агентпен шектелетіндей. Сондықтан, олармен бас қосып отырғанда - мектепте, мектептен кейін бастан өткен қызықтардан басқа, ортақ тақырып табу қиын. Әсіресе үйленгендерге, біздің (үйлі-жайлы болмаған үш қыздың" әңгімеміз түк қызық болмауы мүмкін. Сондай-ақ бізге де олардың әңгімесі іш пыстырады. Сонда да Алматыдан ауылға барған сайын бәрін көргім келіп тұрады. Олар да менің келгенімді елеусіз қалдырмайды. Бір қызығы, олар менің әңгімемді қызығып тыңдайды. Әрі "ешкімге дес бермейтін шешен" деп ойлайды. :D

+0
05 қараша 2012, 12:08

менің жеткізгім келген ойларды айттыңыз

+0
05 қараша 2012, 13:02

Менде сыныптастарыммен әлі араласып жиналып тұрамыз, күйеулерімен бірге келіп жүреді бас қосуға ұзатылған қыздар. Ортадан кетуің, қалуың өзіңе байланысты. барлығымыз 25келген жылы жиналып бірге "Айхай-25" жасағанбыз, бұйыртса келесі жылы 30жасты бірге атауға жоспарымыз бар. 5жылдық,10жылдық кездесулер үұйымдастырғанбыз. Арамыздан сен сияқты қыздар,ұлдар кеткен)) сенде олар сияқты жан-ұялы болда, бұрыңғы үйіріңе қосылуыңды тілеймін.

+0
05 қараша 2012, 14:30

)))рахмет!

+0
05 қараша 2012, 15:00

Уақыт алыстады екен, мен соны түсіндім...

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев