Рухани құндылықтар - қоғам бірлігінің негізі
жеке
блог

Рухани құндылықтар - қоғам бірлігінің негізі

     Қазақ елінің тәуелсіздікпен бірге қол жеткізген асыл діні, тілі жылдар өте дамып,мұсылмандыққа бет бұрушылардың саны көбейіп, қазақ елі рухани жағынан байи түсті.Сол себепті, рухани дамудың арқасында, адамдар жаппай дінге бет бұрып ,Алланың алдындағы ,қоғам мен отбасы арасындағы міндетін түсіне бастады. Рухани бай адам бойын жаман әдеттерден аулақ ұстайды.Ислам діні үйреткендей еліне,жеріне деген құрметі мен сүйіспеншілігі арта түседі. Ал халықтың рухани дамымауының салдарынан кез келген ұлт өздерінің рухани құндылықтарын жоғалтуға жол береді.Демек, "Рухани құндылықтар - қоғам бірлігінің негізі" деп, айтуға болады.
       Қазақ елі тәуелсіздігін алған кезде дін ілімін аңсаған жастар жан-жаққа ағыла бастады. Сауд Арабиясы, Түркия, Египет, Сирия секілді Ислам мемлекеттеріне барып, Ислам дінін үйренді. Өз елінің дәстүрін, дінмен біте қайнаған әдет-ғұрыптарынан, ата-бабадан мирас болып қалған асыл дінінен хабарсыз жастар дінмен бірге сол елдердің мәдениеті мен салт-дәстүрін де бойына сіңіріп, елге оралған соң қоғамда қарама-қайшылықтар туғыза бастады. Шетелден білім алған көптеген жастардың арасында мыңдаған жылдар қанға сіңген, сол қанмен ұрпақтан-ұрпаққа жалғасын тапқан Ислам дінінің әдет-ғұрыптарын, салт-дәстүрлерін жоққа шығарғандарда болды.Міне, осыдан халық арасында әртүрлі жамағаттар ,ағымдар пайда болды.Ағымдардың жетегіне өздері ергеннен кейін өздерінің жақындарында соған тартты. Елімізде діни топтар мен секталардың ордасына айналды.Теріс діни ағым жолдарын ұстанушылар саны көбейді. Олардан тәлім алған ізбасарлары елімізді біраз дүрбелеңге салып, оның соңы жарылыстар, кісі өліміне, шетел асып, соғыста жан тапсырумен аяқталды.Бұл қоғам үшін өте қауіпті болды.Себебі, халық арасында бірлік пен татулық, Ислам дінінің құндылықтары, имандылық сияқты рухани құндылықтарымыз жоғалды.
     Ал, бұл ағымдармен күресудің жолы ата-бабамыз сан ғасыр ұстанған асыл дінімізді, ұлттық салт-дәстүрімізді сақтап, рухани құндылықтарды байытып білім алып соны бойымызға сіңіруіміз керек. Қазіргі таңда діни білім алам деушілерге барлық жағдай жасалынған. Көптеген медреселер, жоғарғы оқу орны бар.Сондықтанда діни білім алуымыз арқылы, діни алауыздыққа жол бермей, асыл дінімізді қастерлеп, рухани құндылықтарымызды дамытып, ауызбіршілігіміз бен ынтымағымызды сақтап, құндылығығымыз таусылмайтын ел болуымыз керек!