Заңғар Зейнолла!

    2017 жылы 12 желтоқсанда-жазушы, әдебиет зерттеушісі, ұстаз, филология ғылымының докторы, профессор, академик, Қазақ және Қырғыз Республикаларының еңбек сіңірген ғылым қайраткері Зейнолла Қабдоловтың 90-шы туған күні Атырау қаласының Махамбет Өтемісұлы атындағы Қазақ Драма театрында аталып өтті. Еске алу кешіне арнайы қонақтардың бірі болып Атырау облысының әкімі Ноғаев Нұрлан Асқарұлы қатысып, тілек білдірді. Алғашында әдебиет әлемінің саңлағының өмірбаяны туралы бейнефильмді халық назарына ұсынып, таныстырып өтті. Кейін "ЖасStar" театры Зейнолла атамыздың оқу жылдарын, қазақ атын бүкіл әлемге танытқан Мұхтар Әуезовтай ұлы тұлғадан білім алған шәкірт өмірінен шағын көрініс қойды.

    Қоғам қайраткерлері мен ақындарға да сөз беріліп, сыңғырлаған әуенде ұмытылмады. Арнайы бұл еске алуға ұйымдастырылып отырған шараға елордамыз Астана, Алматы қалаларынан шәкірттері, көзі тірісінде Зейнолла мырзаның алдын көрген, артынан қуған ізбасарлары да қатысты. Зейнолладай Ұлы тұлғаның 90-жылдығында еске алуы Республика бойынша кең көлемде тойлануда.

                                                                                                                                                                                         Алипова Жаннұр

                                                                                                                                                                                                  9 сынып