Оқи отырыңыз

Мойындағы борышты білу – білімнің ісі, борышты төлеу – адамшылық ісі

Автор: Ахмет Байтұрсынұлы

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / ҰЛТ TIMES

ҰЛТ TIMES

ҰЛТ TIMES

Сәлем, достар! Бір ай бұрын ару Алматыны қимай Астанаға кетіп едім. Сол кезде басталған қауырт жұмысымыздың нәтижесі енді көріне бастағандай. Қазақ ақпарат кеңістігіне ҰЛТ TIMES атты 20 мың таралыммен шығатын апталық газетті қостық. Бағасын патша көңілді оқырман берсін. Газеттің ерекшелігі сонда, біржақты билікті, я болмаса оппозицияны қолдамайды. Журналистикада ең басты принцип - ақпараттың объективтілігі қамтамасыз етіледі. (мұны айтып отырғаным республикалық бір телеарнаның шолақ белсенділері: оппозициялық газетті жарнамаламаймыз деп шорт кесіпті) Қазақтың тілінде шығатын газеттің саны тағы біреуге толығып жатса, өтірік қуанбайық. Орыстілді басылымдар ақпараттық қауіпсіздігімізді тізеге салып тұрған қазіргі кезде, бірге болайық! Төменде біздің газеттің доктринасы жазылды. Ал басылымға бағаларыңызды бере жатарсыздар.

Ал Жарқын достарыңыз осы газетке Бас редактордың орынбасары болып келіп жатыр.  

Қазақтың дәуірі

 

Қазақ мемлекеті тәуелсіздігінің үшінші онжылдығына аяқ басып отырмыз. Өзіміз мәтел қылып жүргендей, «біржылы ғасырға татитын» осы тарихи мерзім қазаққа – бізге не берді?

Қазақстан саяси, әскери, экономикалық, мәдени-рухани жағынан шын мәніндегі тәуелсіз елге айнала алды ма?

Біз осы мерзім ішінде жүз жылдықтарға созылған отаршылдықтың орасан зардаптарын моральдық-психологиялық тұрғыда еңсере алдық па?

Ұлттың ой-санасы, қоғамдық болмысы, әлеуметтік ұстыны қалай өзгерді?

Өкінішке қарай, жиырма жылдың жүзі болса да, жоғарыдағы сауалдарға толыққанды жауап таба алған жоқпыз. Және тәуелсіздіктің үшінші онжылдығына аяқ басып отырсақ та, жауабы табылмаған сұрақтардың көп екені қынжылтады.

Қазақ қоғамында, жасыратыны жоқ, дәл бүгін сенімнен гөрі күдік, үміттен гөрі үрей басым. Бүгінге деген күдік пен, ертеңге деген үрей. Ұлттың өзіне деген құрметі, мемлекетіне деген мақтаныш сезімі шайқалып тұр. Тіпті, соңғы біре ай шамасындағы сорақылықтардың өзі-ақ «титулды ұлттың» еңсесін басып, есеңгіретіп кеткендей:

Жаңаөзен оқиғасы тәуелсіз Қазақ мемлекетінің сүйегіне түскен қаратаңба болды. Жазылмайтын жараға айналды. Етжақын, бауырына сойыл сілтемейтін қазақ баласы бірін-бірі қырып салды.

Оралмандарды «ауытсайдерге» балап, бір-ақ күнде оларға берілетін квотаның тілерсегін қидық. Енді Қытайдағы, Өзбекстандағы, Ресейдегі көгенкөздеріміздің болашағымен қоштаса беруге де болатын шығар...

Әнұранды Рикки Мартиннің шлягеріне айырбастап, көк байрағымызбен қанарлап қоқыс таситын болып шықтық. Лондон олимпиадасының төрінде мемлекеттік әнұранның орнына афро-америкалық әуен ойналып, көкбайрақтың орнына Гондурастың туы көтеріліп жатса да таңқалмайтын деңгейге жеттік.

Қазақтың билігі атышулы Боратты сыртқы саясаттағы таптырмас көзірге айналдырды. Оған қарғыстың орнына алғыс жаудырдық.

Ал, тіл мәселесін... оны саясатқа айналдыруға мүлдем болмайтын көрінеді.

Қалай ойлайсыз, қадірменді оқырман, біз осы бояуды тым қоюлатып отырған жоқпыз ба? Бірақ, бәрін бояуға жабайын десең, көз алдымыздағы картина әлгіндей ғой.

Уақытында ұлы гуманист Махатма Ганди адамзатқа жойқын залал келтіруі мүмкін жеті әлеуметтік күнәдан сақтандырып еді. Олар: принципсіз саясат, бейнетсіз байлық, арсыз рахат, ақиқатсыз білім, имансыз сауда, ізгіліксіз ғылым, құрбандықсыз құлшылық.

Әрине, бұл қағидалар Ұлы даланың салқар төсін еркін жайлаған Қазақ ұлты үшін жаңалық емес. Қанымызда бар, сүйегімізге сіңген ғадеттер еді. ХХІ ғасыр сынағы бізді содан айырып жатыр. Құдайшылығын айтайық, оған жаһандану да, мултикултурализм де, ғылыми-техникалық прогрессте кінәлі емес. Оған жиырма жыл бойы «уақыты келедімен» жүрген өзіміз кінәліміз. Билік кінәлі, оппозиция кінәлі, қоғам кінәлі.

Уақытты біз тосқанмен, уақыт бізді тоса ма? Сонда не істемек керек? Алдыңыздағы су жаға басылым – «ҰЛТ TIMES» газеті осы мәңгілік сұрақтарға жауап іздейді. Және соның жауабын тапқанда ғана біз Ата-баба аманатының, Абай өсиетінің, Алаш тағылымының үддесінен шыға алмақпыз. Соның жауабын тапқанда ғана Қазақтың дәуірі, Ұлттың уақыты оңынан туады деп біліңіз!

 

ҰЛТ TIMES ұжымы

3845 43
Рейтинг: +5

Жазылған уақыты: 18 мамыр 2012, 15:45
Пікірлер
+0
18 мамыр 2012, 16:06

ҰЛТ TIMES газетін оқы, Алаш баласы (айнаңа қарауды да ұмытпа). Бастама құтты болсын! Ғұмыры ұзақ болсын! Келешекте бірегей басылымдардың біріне айналсын!

+0
18 мамыр 2012, 16:08

аумин! рахмет, Ғазиза!

+0
18 мамыр 2012, 16:13

Жақсы газет секілді ғой.атына заты сай болсын!

+0
18 мамыр 2012, 16:22

әумин, мың алғыс!

+0
18 мамыр 2012, 16:21

Көрінбекй кетіп едіңіз, Жарқын аға. қалыңыз қалай? Жақсы бастама екен. Ұзағынан болсын!!

+0
18 мамыр 2012, 16:25

Бәрі жақсы, көп рахмет, ниеттеріңізге!

+0
18 мамыр 2012, 16:33

Оқырманы көп болып, тиражы күннен күнге артсын.

+0
18 мамыр 2012, 16:38

айтқаныңыз келсін! рахмет!

+0
18 мамыр 2012, 16:38

Жарқын, құтты болсын! Жаңа басылым - заманға сай талаптарды қамтып, көпшіліктің көңілінен шықсын. Ақ жол! Саған да шығармашылық табыс, талмайтын шабыс, ұлттық намыс тілеймін! Сәттілік серігің болсын! Алға, Жарқын Алаш!!!

+0
18 мамыр 2012, 16:39

Ой рахмет!

+0
18 мамыр 2012, 16:46

газеттің электронды адресін білуге болама :?: газет қолға тие бермейді.шығармашылық табыс тілеймін ұжымға

+0
18 мамыр 2012, 16:49

Рахмет! Газеттің веб сайты алдағы уақытта ашылады. Қазір ашқанмен, оның ішіне бір ғана номерді салып қою ынгайсыздау сияқты. Апталық болғасын біраз қор жинау үшін бір айдай уақыт керек. Дегенмен ұсыныңыз өте орынды!

+0
18 мамыр 2012, 16:58

соңғы абзац: Алдыңыздағы су жаға басылым...

+0
18 мамыр 2012, 17:02

Жоқ мен қалай айттым, солай болады! Құттықтауыңа рахмет!

+0
18 мамыр 2012, 17:17

:) :) ок, ок ) сенің айтқаның болады ғой жездеке )

+0
18 мамыр 2012, 17:21

болмай көрсін!))))

+0
18 мамыр 2012, 16:59

жан дос, ісіңе сәттілік тілеймін! мен қашанда тілекшімін ғой. көппен бірге үретін мырың газет болмасын деп тілеймін по больше креатива! астанаға барғанда ит-мысықпен сыра ішпейм деп шіреніп қалма...

+0
18 мамыр 2012, 17:00

:D :D кетч Рахмет, Досым! Мың алғыс саған!

+0
18 мамыр 2012, 17:00

Құтты болсын қадамы! Оқырманын тапсын :)

+0
18 мамыр 2012, 17:02

Керемет екен. Қолға бір тисе ал кеп оқитын екен! мен де қуаныштымын бір қазақ баспасөзі қосылғанына. Орын құтты болсын, Жарқын! Шығармашылық табыстар тілеймін!

+0
18 мамыр 2012, 17:20

рахмет, тілегіңізге!

+0
22 мамыр 2012, 11:39

Бұл інің ғой, жәке, Ардақ Құлтай деген. әні, Астанаға кетсе танымай қалат дегендер рас айтады екен :lol: :lol: :lol: :lol:

+0
18 мамыр 2012, 17:03

әлгі жерде Досым Сәтпаев тұр дейсің ғо )) (суретті айтам)

+0
18 мамыр 2012, 17:21

Билікті де , оппозицияны да қолдамайсыңар сонда ақшаны қайдан алмақшысыңдар? Сапалы мақалалармен тираж санын көбейтіп өз өзін асырай алатын газет шығару өте қиын, меніңше. Әсіресе газет қазақ тілінде болса, өйткені адам аз, оқитын да , сатып алатын да, жарнама беру үшін де. Бірақ газеттің шыққаны жақсы болған екен , не болса да.

+0
18 мамыр 2012, 17:26

ақша қайдан, артында кім тұр деген тіміскі сауалдарға тойып біттім. менің түсінігім мынаған саяды: мыңдаған тиражбен шығатын орыс тілді газет журналдар каптап сананы улап жатқанда (интернетті айтпағанда) қазаққа ғана жұмыс істеуді мұрат еткен газеттің артында кімнің тұрғаны маңызды ма??? ал қуанғаныңызға мен де қуандым!

+0
18 мамыр 2012, 17:22

Ботик сияқты газетке жазылдыртсаң оқып тұрамыз ғой :lol: Сәттілік тілеймін! Ел аузында жүретін газет болсын!

+0
18 мамыр 2012, 17:27

аумин, Анара! көп рахмет!

+0
18 мамыр 2012, 17:45

құтты болсын! неге бірі қазақша, бірі ағылшынша атау?

+0
18 мамыр 2012, 17:47

Газетті оқыған кезде түсінесіздер

+0
18 мамыр 2012, 19:11

құтты болсын қадам!

+0
18 мамыр 2012, 19:30

Естіп қуанып жатырмын мен де! Өзгеріс керек деп жүр едіңіз ағасы. Өзгерістің көкесі жатыр ғой! :) Еліміздегі ҮЗДІК басылым атансын! Сәттілік тілеймін сізге! Айтпақшы енді, Массагеттегі нигіңіз Жарқын TIMES болып өзгеруі мүмкін бе? ;)

+0
19 мамыр 2012, 11:59

:) қызық сұрақ екен!

+0
18 мамыр 2012, 22:41

Қуаныштымын, Құтты болсын! ;) Алдағы істеріңізге сәттілік тілеймін!

+0
19 мамыр 2012, 11:59

Әумин, Алла разы болсын!

+0
19 мамыр 2012, 11:31

Шығармашылық табыстар тілеймін!

+0
19 мамыр 2012, 12:00

Рахмет, Абзалчик!

+0
19 мамыр 2012, 15:17

әр мәселені жан-жақты сараптайтын "үнқағаз" болады деген үміттемін (а то, анонс бойынша анау жаман, мынау жаман деген иіс шығып жатыр;) ). Сәттілік тілеймін! Газеттерің Атырауға жетеді ме?

+0
22 мамыр 2012, 12:50

рахмет! Бүкіл облыс, аудандарға таратылып жатыр.

+0
21 мамыр 2012, 10:15

Сәттілік тілеймін! Ел іздеп жүріп оқитын басылымға айналсын!

+0
22 мамыр 2012, 12:49

аумин, жеңге!

+0
22 мамыр 2012, 11:36

Бәсе, неге кетіп қалған деп жүрсем. Көп оқырман тілеймін!

+0
22 мамыр 2012, 12:49

Рахмет, Маке!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев