жеке
блог

"Малта тас туралы тәмсіл" Леонардо да Винчи (аударма)

Малта тас туралы тәмсіл


Байо-о-оғы бір заманда үш көшпенді кейіпкеріміз шөл далада жатақ орнын сайлап жатыр екен дейік. Кенет аспан төңкеріліп кеткендей, адам көзін ұялтқан жарық сәуле түсті. Құдіреті күшті құдайдың даусы естілді: 

- Шөлді жерге барыңдар. Күш-қуаттарың жеткенше малта тас жинаңдар. Ертең таңғажайып бір құбылыс болады.

Дауыс қайта шықпады. Даланы түнек билеп, өлі тыныштық орнаған.

- Бұл неткен құдай? Енді қалмағаны жерден қоқыс теру еді! Шынымен құдайымыз болса бізге мына сергелдеңнен қалай құтылудың жолын айтар еді, әлемде зұлымдықты қалай жеңудің айла-тәсілін айтып, көзімізді ашар еді.

Шөл даладан еріксіз майда тас жинап келген олардың көңілі көншімей-ақ қойды. Тасты қапшықтарының түбіне мыта салып қалың ұйқыға кетті. Таң сәріден жолға шыққан жолаушылардың біреуі қапшығына қолын сүңгітіп жібергені сол, онда қара тас емес... – жалт-жұлт еткен гаухар тас жатыр. Серіктері де қапшықтарын ашып қараса кешегі жинағандары гаухар тасқа айналған екен! Адамдығы – құдайды мойындамағанына, ал пендешілігі – соншама аз ғана тас жинағанына өкінді... Қайсысы басым болды екен?

Леонардо да Винчи




Ең қызықты блогтар

Педагогтің эмоционалдық жануы және психологиялық саулығы
Еңбекті қорғау компания дамуының басым бағыты
Болашақта өзімді қалай елестетемін?
Әлемдегі өзгерістерге сай өзгере біл
Кәсіби маманның ерік қасиеттерінің дамуы жайлы
Шет елде тегін білім алуға мүмкіндік беретін жобаны білесіз бе?

Жұлдызды блогтар