жеке
блог

Саусақ санамақ #6: 6-дан 10-ға дейінгі сандарды өзара көбейту

Өткен жолғы бір жазбамда сандарды 9-ға көбейтуді сөз еткенбіз. Енді 5-тен 10-ға дейінгі сандарды екі қолдың көмегімен көбейтуді үйренейік.

Алдымен қай саусақ қай санға сәйкес екендігін белгілеп алайық.

Сандарды көбейту

Енді көбейтуге кірісейік. Көбейткіштерге сәйкес саусақтарды бір-біріне тигізейік. Түйіскен саусақтардың жоғары жағындағы әр қолдың бос тұрған саусақтар санын бір-біріне көбейтейік. Шыққан санға қалған саусақтарды 10-ға көбейтіп барып қосайық. Көбейтіндіміз шыға келді!

"Мына Али өзі не деп кетті, ештеңе ұқпадым" деген шығарсыз. Шынымды айтсам, кезінде мен де суреттер мен мысалдарды көрмейінше пәлекет те ұқпап ем.

Мысал келтіре отырып талдайық. Айталық, 7х8. Суретке назар аударыңыз.

Сандарды көбейту, 7х8
Үсті: 3х2=6
Асты: 5х10=50
Барлығы: 50+6=56
7х8=56

Тағы бір мысал: 9х8.

Сандарды көбейту, 8х9
Үсті: 1х2=2
Асты: 7х10=70
Барлығы: 70+2=72
9х8=72

Соңғы мысал: 6х6.

Сандарды көбейту, 6х6

Үсті: 4х4=16
Асты: 2х10=20
Барлығы: 20+16=36
6х6=36

Енді түсінікті болған шығар.

"Саусақ санамақ" жазбалар циклын осымен доғарам. Әрине, талай әдістер қамтылмай қалды. Бірақ, бұл тақырыптан жалығып кеттім. Саусақтардан басқа да жазатын нәрсе аз емес қой. Әрі жетінші саусақтың суретін салуға да ерініп отырмын.

"Саусақ санамақтың" өткен тақырыптары:

Саусақ санамақ #1: бір қолмен 10-ға дейін санау Саусақ санамақ #2: бір қолмен 31-ге дейін санау Саусақ санамақ #3: екі қолмен 9-ға көбейту Саусақ санамақ #4: айдағы күн санын анықтау Саусақ санамақ #5: бір қолмен 12-ге дейін санау

Бөлісу:
Пікір қалдыру үшін сайтқа кіріңіз
Өзгерту



Жұлдызды блогтар

Ана мен бала жағдайы
Ана мен бала жағдайы
Бауыржан Момышұлы келінінің кітаптары
Бауыржан Момышұлы келінінің кітаптары
Екі жүрек бірге қағуда
Екі жүрек бірге қағуда