Синоптиктер сәрсенбіде 10 өңірде қолайсыз ауа райына байланысты ескерту жасады

Синоптиктер 24 қаңтарда елдің 10 өңірінде жаяу бұрқасын, көктайғақ болып, тұман түсетінін және екпіні күшті жел соғатынын болжады, - деп хабарлайды Massaget.kz тілшісі.

Ұлытау облысының солтүстігінде, шығысында жаяу бұрқасын, көктайғақ. Облыстың солтүстігінде тұман.

Батыс Қазақстан облысының батысында, солтүстігінде тұман түседі. 

Қызылорда облысының оңтүстігінде, солтүстігінде, орталығында көктайғақ, тұман. 

Түркістан облысының батысында, орталығында, таулы және тау бөктерлі аудандарында тұман сақталады. Оңтүстік-батыстан шығысқа ауысатын жел соғады, облыстың тау асуларында күші 15-20 м/с болады.

Шымкентте тұман түседі.

Маңғыстау облысының оңтүстігінде, шығысында көктайғақ болады.

Шығыс Қазақстан облысының оңтүстік-шығысында, орталығында жаяу бұрқасын. Жел шығыстан, оңтүстік-шығыстан соғады, облыстың оңтүстік-шығысында, орталығында 15-20, екпіні 25 секундына метрге жетеді.

Жетісу облысы бойынша оңтүстік-шығыстан жел соғады, Алакөл көлдері ауданында екпіні 15-20, кей уақыттарда 23-28 м/с болады.

Ақмола облысының солтүстігінде, шығысында тұман.

Солтүстік Қазақстан облысының солтүстігінде, батысында тұман түседі. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!