19 қаңтарда елдің сегіз өңірінде тұман түсіп, екпіні күшті жел мен бұрқасын соғады

Синоптиктер 19 қаңтарда бірнеше өңірде тұман түсіп, жел соғатынын және көктайғақ болатынын болжады, - деп хабарлайды Massaget.kz тілшісі.

Жетісу облысының шығысында, таулы аудандарында тұман түседі, шығыстан жел соғады, Алакөл көлдері ауданында екпіні секундына 15-20 метр болады.

Қызылорда облысының орталығында, оңтүстігінде тұман түседі.

Атырау облысының оңтүстігінде, шығысында тұман түседі. Оңтүстік-шығыстан жел соғады, күндіз облыстың батысында, оңтүстігінде, солтүстігінде екпіні секундына 15-20 метрге жетеді. 

Қостанай облысының шығысында, оңтүстігінде бұрқасын соғады. Облыстың батысында, солтүстігінде тұман түседі.

Батыс Қазақстан облысының оңтүстігінде, солтүстігінде, шығысында тұман түседі. Жел оңтүстік-шығыстан, оңтүстіктен соғады, күндіз облыстың басым бөлігінде екпіні 15-20 м/с-қа жетеді. 

Түркістан облысының оңтүстігінде, таулы және тау бөктерлі аудандарында көктайғақ болады. Облыстың солтүстігінде, батысында, таулы және тау бөктерлі аудандарында тұман түседі. Солтүстік-батыстан, солтүстіктен жел соғады, таңертең және күндіз облыстың тау асуларында екпіні 15-20 м/с болады.

Шымкентте таңертең және күндіз көктайғақ, кей уақытта тұман болады.

Ақтөбе облысының солтүстігінде, батысында, оңтүстігінде тұман.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!