Павлодар облысында ауыл тұрғыны 12 жастағы қызға "тиісті" деген күдікпен ұсталды

Павлодар облысы Павлодар ауылының тұрғыны 12 жастағы қызға "тиісті" деген күдікпен ұсталды. Аталған факті бойынша ҚР Қылмыстық кодексінің 124-бабы бойынша сотқа дейінгі тергеу басталды, - деп хабарлайды Massaget.kz тілшісі pavlodarnews.kz-ке сілтеме жасап.

Бұл туралы облыстық полиция департаменті ювеналды полиция тобының ерекше тапсырмалар жөніндегі аға инспекторы Бибігүл Қамзина айтты.

Аталған факті бойынша ҚР Қылмыстық кодексінің 124-бабы бойынша құқық бұзушылық жуырда, 31 қазан күні солтүстік полиция бөлімінің кезекші бөлімінде тіркелді.

"30 қазан күні сағат 12:00 шамасында Павлодар ауылының 32 жастағы тұрғыны ақпараттық жүйені пайдалану арқылы 12 жастағы қызға қатысты зорлық-зомбылық қолданбай азғындық әрекеттер жасағаны анықталды", - деді Бибігүл Қамзина.

Күдікті ұсталды. Ол белгілі бір тұрғылықты жері жоқ адамдарға арналған қабылдағыш-дистрибьюторға орналастырылған.

Қызықты жаңалықтар мен видеоларды көру үшін TikTok арнамызға жазылыңыз!