Әкесі 7 жастағы қызының көзінше көңілдесін өлтіріп, оны өз ауласында көміп тастаған

Өзбекстанда жеті жастағы қыз әкесінің адам өлтіріп, мәйітті көп жатқанын көрген.  Қыздың беті мен денесін қатты күйік шалған. Өкінішке қарай, оның қазіргі жағдайы белгісіз, - деп хабарлайды Massaget.kz тілшісі Podrobno.uz-ға сілтеме жасап. 

Бұл туралы зорлық-зомбылыққа қарсы "Немолчи" жобасының негізін қалаушы және жетекшісі Ирина Матвиенко айтты.

Жеті жастағы қыз үйіндегі кілемде қанды, әкесінің мәйітті аулада көміп жатқанын өз көзімен көрген. 5 күннен кейін ол 8-ге толды. Ол әкесіне насыбай алу үшін дүкенге бара жатқанда ақшасын жоғалтып алған. Сол үшін әкесі оны май құйылған ыстық табаға итеріп жіберген. Нәтижесінде қыздың денесінің 40 пайызын күйік шалған. 

"Менің алдымда сот үкімі бар. Самарқандта мас ер адам ішімдік ішкен құрбысын пышақтап өлтірген. Сот отырысында куәгер (жеті жастағы қыз - еск.) әкесімен бірге тұратынын айтқан. Оларға егде жастағы әйел жиі келетінін, әйел мен әкесі ішімдік ішетінін айтқан. Бір күні олар арақ ішіп отырып, жанжалдаып қалған. Әйел ұйықтауға кеткенде әкесі оған пышақ сұғып алған", - деді Матвиенко.

Қыз таңертең оянғанда кілем қанға боялған. Әкесі ауладан шұңқыр қазып, мәйітті сыртқа шығарып, көміп тастаған. Бұл уақытта қыз бен атасы ер адамның ісін көріп отырған. Кейін қыздың әкесі үйге кіріп, бұл туралы ешкімге айтпауды бұйырған. 

"Біраз уақыттан кейін әкесі қатты мас күйде үйге оралып, насыбай алуға баруын өтініп, ақша берген. Қыз дүкенге барған кезде ақшаны жоғалтып алған. Әкесі ашуланып, оны итеріп жіберген. Есіктің қасында май қосылған ыстық табақ болған, ол абайсызда осы табаға отырып қалып, денесі күйіп қалған, кейін ол тағы да дүкенге насыбай алуға барған. Келесі күні әкесі қыздың күйіп қалғанын біліп, үйге дәрі мен бір әйелді әкелген, ол жараны таңып берген, бірақ 2-3 күннен кейін қыз ауруханаға жеткізілді", - деді Матвиенко.

Сот-медициналық сараптаманың қорытындысына сәйкес, қыздың беті, кеудесі, жамбасы, бөкселері және аяғы күйіп қалған. Дәрігерлер жарақаттың ауыр екенін растады.

"Ең қорқыныштысы не екенін білесің бе? Қыз атасымен әкесінің мәйітті өз үйінің ауласында көміп жатқанын көргенде, ол 7 жаста еді. 5 күннен кейін 8-ге толды. Үш аптадан кейін ол әкесіне насыбай алу үшін дүкенге барады да ақшасын жоғалтып алады, әкесі соған бола оны май құйылған ыстық табаға итеріп жібереді..." -  деп жазады Ирина.

Қыздың анасы ақша табу үшін қызын маскүнем әкесі мен атасына тастап кеткен. Ирина Матвиенко кішкентай қызға насыбай сатқан сатушыларға да наразы. 

"Бірде-бір бала 8 жасында сотта кісі өлтірудің куәгері ретінде жауап бермеуі керек. Бұл - бүкіл махалла жүйесінің, қамқоршылықтың, құқық қорғау органдарының сәтсіздігі. Бүкіл қоғамның сәтсіздігі", - деп жазады Ирина.

Өкінішке орай, бұл қыздың қазіргі жағдайы, кіммен бірге тұратыны, мектепке барып-бармауы, денсаулығы, психологпен жұмыс істеп жатқаны белгісіз.

Қызықты жаңалықтар мен видеоларды көру үшін TikTok арнамызға жазылыңыз!