Күн сайын таңғы 6-да тұрсаңыз не болады?

Қазақ ежелден "Ерте тұрған еркектің ырысы артық, ерте тұрған әйелдің бір ісі артық" демекші таңғы уақытта береке бар. Көптеген табысты адам ерте ояну сәттілік пен әл-ауқаттың кілті деп санайды. Күнделікті таңғы 6-да оянудың артықшылықтары қандай және бұл әдет біздің өмірімізге қалай оң әсер етеді?

Күнделікті таңғы 6-да оянудың артықшылықтары

Өнімділікті арттыру. Таңғы 6-да ояну күнімізге дайындалуға қосымша уақыт береді. Күнді қалай өткізетінімізді жоспарлап, жұмысқа бейімделе аламыз.

Дене мен миға жаттығу. Таң жаттығу немесе медитация үшін тамаша уақыт. Физикалық белсенділік денені оятып, оны күнге дайындауға көмектеседі, ал медитация немесе йога ақыл-ойды тыныштандырады және қуат береді. Таңертеңгілік жаттығу денеміздің күшін арттырып қана қоймай, күні бойына көңіл-күй мен зейінді жақсартады.

Өзін-өзі дамытуға көбірек уақыт. Ерте тұрсақ, өзін-өзі дамытуға уақыт бөле аламыз. Мысалы кітап оқу, жаңа тақырыпты зерттеу немесе жаңа дағды игеру. Бұл біз өзімізді алаңдатпай жұмыс істей алатын және құзыреттілігімізді арттыруға таптырмас уақыт.

Стресс азаяды. Таңертеңгі сағат 6-да ояну асықпай, таңертеңгі қарбалассыз жиналуға мүмкіндік береді. Уақыттың жеткіліксіздігіне күйзелмей, жүйкесіз бүгінгі күнге тыныш дайындала аламыз. Сондай-ақ, бұл бізге кептеліске кететін артық уақыт жоғалтудан аулақ болуға көмектеседі.

Ұйқы жақсарады. Күнделікті таңғы 6-да тұру бізге ұйықтау және ояну режимін қалыптастыруға көмектеседі. Дене белгілі бір кестеге үйреніп, үнемі бір уақытта еш қиындықсыз ұйықтап, оянуға қабілетті болады. Бұл сапалы ұйқыға және күні бойы жалпы сергектік пен қуат сезіміне ықпал етеді.

Таңертең ерте оянудың біздің өмірімізге оң әсер ететін көптеген артықшылығы бар. Бұл өнімділікті арттыруға, қуат алуға, өзін-өзі дамытуға уақыт бөлуге және стрессті азайтуға көмектеседі. Егер сіз сәттілік пен әл-ауқатқа қол жеткізгіңіз келсе, күн сайын таңғы 6-да тұру әдетін қалыптастыруға тырысыңыз, сонда сіз өміріңіздің жақсы жаққа өзгере бастағанын көресіз.

Айта кетейік, бұған дейін таңертең қалай ерте тұруға болатыны туралы хабарланған еді.

Тағы да оқи отырыңыздар: Күзде құлақ тесуге бола ма?

Аптаның басты оқиғалары мен пайдалы видеоларды көру үшін YouTube арнамызға жазылыңыз