Онкологиялық ауруға шалдығу қаупін азайту үшін қандай тағамдар жеу керек?

Салауатты өмір салтын сақтамау қатерлі ісікке жол ашатын фактордың бірі болуы мүмкін. Сондықтан дұрыс тамақтану ағзаңызды қорғау үшін керемет қару бола алады. Дәрігер Сунни Пател Express.co-ға қатерлі ісікке шалдығу қаупін азайту үшін қандай тағамдар жеу керегін айтты, - деп хабарлайды Massaget.kz тілшісі.

Дәмдеуіштен етке дейін: қатерлі ісікке шалдығу қаупін төмендететін тағамдар тізімі.

1. Крестгүлді көкөністер

Брокколиден гүлді қырыққабатқа, брюссель қырыққабатынан қарапайымына дейін. Бұл көкөністерде қатерлі ісікке қарсы әсері бар сульфорафан сияқты фитохимиялық заттар бар. Сонымен қатар, олар ас қорытуға, салмақты бірқалыпты сақтауға көмектесетін және ішек қатерлі ісігінің қаупін төмендететін талшықтың көзі.

"Брокколи, гүлді, брюссель және қарапайым қырыққабат сияқты көкөністер ас мәзіріңізде үнемі болғаны абзал. Бір порция шамамен 80 грамм (кішкене уыс)", - дейді ол.

2. Жидектер

Антиоксиданттарға бай көкжидек, құлпынай және таңқурай сияқты жидектер тәтті ғана емес, оған қоса пайдалы. Дәрігер антиоксиданттар ДНҚ-ны зақымдауы және қатерлі ісік қаупін арттыруы мүмкін бос радикалдарды бейтараптандыруға көмектесетінін түсіндірді .

"Аптасына бірнеше рет көкжидек немесе құлпынай сияқты бір уыс жидек жеп, ләззат алыңыз", - деді дәрігер.

3. Жасыл көкөністер

Жасыл көкөністердің тағы бір барлық дәрумен мен минералдарға бай тобы - жапырақты жасыл шөптер. Сарапшының сөзінше, асжапырақ (шпинат), қырыққабат, швейцариялық қызылша және басқа да жапырақты жасыл шөптер сіздің деніңіздің саулығын қолдайды .

"Күніне кем дегенде екі порция жеуге тырысыңыз", - деп қосты доктор Пател.

Фото: freepik.com

4. Дәнді дақылдар

Қоңыр күріштен квиноаға дейін. Дәнді дақылдар талшық пен қоректік заттардың көзі.

"Тазартылған дәндерден гөрі тұтас дәнді нан, макарон және қоңыр күріш сияқты дәнді дақылдарға артықшылық беріңіз. Порция әдетте 65-75 грамм пісірілген дәннен тұруы керек", - дейді Сунни Пател.

5. Бұршақ дақылдары

Үрмебұршақ, жасымық және бұршақ талшық пен ақуызға бай және кейбір қатерлі ісіктің даму қаупін азайтуға көмектеседі. Сондықтан оларды аптасына бірнеше рет ас мәзірге қосқан дұрыс.

"Порция шамамен 80 грамм пісірілген бұршақ дақылдары болуы керек", - деді сарапшы.

6. Жаңғақ пен дәндер

"Бадам, жаңғақ, зығыр және чиа дәндері табағыңызға қосуға болатын пайдалы майлардың, талшықтың және антиоксиданттың көзі", - деп бөлісті дәрігер.

Сонымен қатар, күнделікті шамамен 30 грамм жаңғақ пен дән жеу ағзаңызға пайдасын тигізуі үшін жеткілікті.

Фото: pixabay.com

7. Майлы балық

Омега-3 май қышқылына бай ақсерке, скумбрия және сардина сияқты майлы балықтардың қабынуға қарсы қасиеті бар және өлімге әкелетін ауру қаупін азайтуға көмектеседі.

"Аптасына кемінде 2 рет ақсерке, скумбрия немесе сардина сияқты майлы балықтарды жеңіз. Порция әдетте шамамен 140 грамм пісірілген балық болады", - дейді ол.

8. Куркума

Куркумин деп аталатын куркумада жасырылған белсенді қосылыс қабынуға қарсы әсері және антиоксиданттық қасиеті бар, олар қатерлі ісіктің алдын ала алады.

Ұсыныс! Куркуманың қасиетін белсендіру үшін оны қара бұрыш немесе маймен араластыру керек .

Айта кетейік, бұған дейін өлімге әкелетін қатерлі ісіктің 3 белгісі хабарланған еді.

Тағы да оқи отырыңыздар: Көз неге қарауытып кетеді?

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!