Қайта жаңғырған Республика күні биыл елімізде екінші рет тойланады. 2023 жылы ұлттық мереке аптаның сәрсенбісіне түсіп тұр. Мерекеге орай 25 қазанда қазақстандықтар демалып, еліміздің барлық өңірінде ресми мерекелік іс-шаралар өтеді. Республика күні мемлекеттің өңірлерінде қалай тойланады?
Бас қаламыз Астана: концерт, көрме, автошеру, экскурсия және ұлттық спорт түрлері бойынша турнирлер
Астана әкімдігінің баспасөз қызметі мәліметінше, биыл елордада Республика күнін мерекелеу аясында 200-ден астам мәдени-бұқаралық, білім беру, спорттық және әлеуметтік іс-шаралар өткізу жоспарланған.
Алдағы іс-шаралардың қатарында мерекелік концерттер, автошерулер, көрмелер, балаларға арналған экскурсиялар, дөңгелек үстелдер, ұлттық спорт түрлері бойынша турнирлер, халықтың әлеуметтік осал топтарына азық-түлік себеттерін тарату және т.б. бар.
Іс-шаралар орталық алаңдар мен ірі нысандарда, сондай-ақ тұрғын үй алаптарының аумағында, білім беру ұйымдарында және т.б. өтеді.
Мәселен, бұл күндері аудан әкімдіктерімен бірлесіп қаланың 5 ауданының тұрғын алаптарында мерекелік концерттер өткізіледі:
Сонымен қатар, Республика күнін мерекелеу қарсаңында елорда тұрғындары "Менің елім – менің туым!" челленджін бастады. Астананың бес ауданында терезелер мен балкондарға және көше бойына 1000-нан астам ту ілінген.
Шымкент: мерекелік концерт, әндер челленджі, турнирлер, көрме және жәрмеңкелер
Шымкент қаласының ішкі саясат және жастар істері жөніндегі басқармасы басшысының орынбасары Мөлдір Кеуенованың айтуынша, еліміздің үшінші мегаполисі Шым қалада барлығы 20 іс-шара ұйымдастырылады.
Жоспар аясында мерекелік және патриоттық-тәрбиелік маңызы бар көптеген іс-шара өткізіледі. Олар:
Абай облысы: бірқатар нысан ашылып, жаңа пәтер иелеріне баспана кілттері табысталады
Абай облысының қоғамдық даму басқармасының басшысы Айдар Садырбаевтың сөзінше, өңір бойынша 200-ден астам шара өткізу жоспарланған. Оның ішінде салтанатты және мәдени-бұқаралық іс-шаралар өткізу көзделіп отыр. Мереке күні облыстың орталық алаңдарында, саябақтары мен скверлерінде жаппай жәрмеңкелер, көрмелер, мерекелік концерттер ұйымдастырылады.
Семейде 24 қазанда Абай атындағы театрда сағат 15:00-де "Республикам менің" атты мерекелік концерті өтеді.
25 қазанда Орталық алаңда сағат 14:00-де эстрада жұлдыздарының қатысуымен мерекелік концерт, фольклорлық фестивалі ұйымдастырылады.
Ақмола облысы: жастар форумы, өнер фестивальдері, шығармашылық байқаулар мен экологиялық акциялар
Ақмола облысында Республика күніне орай 5 мыңнан астам іс-шара ұйымдастырылады. Оның ішінде жастар форумы, өнер фестивальдері, шығармашылық байқаулар мен экологиялық акциялар бар. Сондай-ақ мереке қарсаңында бірқатар әлеуметтік нысан ел игілігіне беріледі.
Мереке қарсаңында өңірде әлеуметтік он нысан пайдалануға беріледі. Шалғай ауылдарда медициналық пунктер мен мәдениет үйлері ашылады деп күтіліп отыр. Сондай-ақ 100-ге тарта ақмолалыққа жаңа пәтер кілті табысталады.
Қарағанды облысы: 25 қайырымды іс
Қарағандыда 25 қазанда сағат 10:00-де «Қыран елім – Қазақстан» әнұранын бірігіп орындайды.
Мұхтар Әуезов атындағы кітапханада сағат 12:00-де «Кітап оқитын ұлт» акциясы өтеді.
Жаңа Майқұдық МҮ-да сағат 12:00-де «Қазақстан – менің мақтанышым» және Теміржолшылар МҮ-да сағат 12:00-да «Мәңгілік жаса, қыран елім» атты мерекелік концерті ұйымдастырылады.
Маңғыстау облысы: ту ілінеді
Ақтауда 25 қазанда тұрғын үйлер балкондарына мемлекеттік ту ілу акциясы өтеді.
Абай атындағы МДК-да "Менің отаным - Қазақстан" атты концерт ұйымдастырылады.
Павлодар облысы: мерекенің біртұтас шоғырландырушы символы - бүркіт бейнесі
Павлодар облысы бойынша Республика күнін тойлау аясында 400-ден астам шара ұйымдастыру жоспарланған.
Айтулы мерекенің аясында 24 қазанда Естай атындағы мәдениет сарайында салтанатты жиын ұйымдастырылады. Концерттік бағдарламаның арнайы шақырылған қонақтары: «МузАрт» тобы, Финляндияда өткен Ян Фиделиус атындағы «JSFest Vocal Competition» Халықаралық байқауының 1-орын иегері Дариға Мұсаева және кино және театр актері, тележүргізуші Әділ Ахметов.
Естай қалалық мәдениет сарайының фойесінде Г.Потанин облыстық тарихи-өлкетану музейі еліміздің өркендеуіне арналған «Менің елім – мақтанышым» және Н. Нұрмұхаммедов атындағы Павлодар облыстық көркемсурет музейі «Қасиетті жерлерге саяхат» атты көрмелерін рәсімдейді.
25 қазанда - Ақсу қаласында «Мәңгілік жаса, қыран елім» атты мерекелік бағдарлама сағат 11:00-де Сәбит Дөнентаев мәдениет сарайының алаңында өтсе, Екібастұз қаласында «Қыран елім, Қазақстаным!» атты концерттік бағдарлама сағат 15:00-де «Өнер» мәдениет сарайында ұйымдастырылады.
Түркістан облысы: 17 әлеуметтік нысан ашылады
Түркістан облысы қоғамдық даму басқармасының басшысы Ерлан Күзембаевтың айтуынша, Түркістан облысында 17 аудан-қалада 70-ке жуық іс-шара өтеді. 25 қазанда облыс орталығы мен барлық аудан-қала орталықтарында Мемлекеттік туды көтеру рәсімі өтеді. Сонымен қатар, «Жанашыр жүрек» акциясы аясында түрлі қайырымдылық шаралар ұйымдастырылады.
«25 қазан - Республика күні» мерекесіне орай Түркістанда Халықаралық «Voice of Turan-2023» қазақ әндері фестивалі басталды.
ШҚО: мерекелік отшашу
Өскеменде 25 қазанда сағат 11.00–де "OSKEMEN RUN" - "Қазақстан" тауына жаппай жүгіру.
Сағат 11.00-де отандық эстрада жұлдыздары мен қаланың шығармашылық ұжымдарының қатысуымен "ЖАСА, МЕНІҢ ҚАЗАҚСТАНЫМ!" атты күндізгі концерттік бағдарлама.
Кешке 18.00-де концертте қаланың шығармашылық ұжымдары және эстрада жұлдызы "Qanay" өнер көрсетеді.
Сағат 21.00-де отшашу болады.
Еске салайық, бұған дейін Республика күніне орай Алматыда қандай шаралар өтетіні хабарланған еді.
Тағы да оқи отырыңыздар: Татуаж жасау зиян ба?
Қызықты жаңалықтар мен видеоларды көру үшін TikTok арнамызға жазылыңыз!