Ақмола облысында есірткі зертханасын ұйымдастырған 21 жастағы тұрғын ұсталды, - деп хабарлайды Massaget.kz тілшісі Polisia.kz-ке сілтеме жасап.
12 қазанда Ақмола облысының есірткі қылмысына қарсы іс-қимыл басқармасының қызметкерлері Бурабай ауданының аумағында синтетикалық есірткі дайындайтын зертхананы анықтады. Жедел уәкілдер зертхананы аудан орталығына іргелес ауылдардың бірінде үй сатып алып, өз өндірісін жасаған 21 жастағы жергілікті тұрғын ұйымдастырғанын анықтады. Ер адам үйленген және кішкентай баласы бар, ал жұбайы күйеуінің қызметі туралы білмеген.
Тінту іс-шаралары барысында есірткі, 430 литр прекурсорды дайындауға арналған жабдық, сондай-ақ, салмағы 755,88 грамм a-PVP психотроп зат тәркіленді, олар аудан аумағындағы жасырын орындардан алынды.
Ұсталған күдіктінің айтуынша, ол бұрын есірткі затын жасырын қойып кетуші болып жұмыс істеген, ал кейін кәсібі бойынша жоғарылаған. Осылайша, сату үшін есірткі заттарын өндірумен айналыса бастаған.
Қазір осы дерек бойынша ҚР Қылмыстық кодексінің 297-бабы 1-бөлігі бойынша соталды тергеу басталды. Ұсталған адам уақытша ұстау изоляторына қамалды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!