Астанада Экспо маңында алапат өрт шықты: ТЖД түсінік берді

Елордада салынып жатқан ғимаратта құрылыс материалдары өртенді, - деп хабарлайды Massaget.kz тілшісі.

Астана қаласы ТЖД баспасөз қызметінің мәліметінше, 4 қазанда сағат 15:08-де Есіл ауданындағы Хусейн бен Талал көшесі мен Мәңгілік ел даңғылының қиылысында жаңа ғимараттан түтін шығып жатқаны туралы хабарлама түскен.

"Өрт сөндірушілер оқиға орнына шұғыл жетті. Салынып жатқан ғимараттың екінші қабатында құрылыс материалдары жанып жатқан. Өрттің ауданы - шамамен 200 шаршы метр", - деп жазылған хабарламада.

Өртті сөндіруге Астана қаласы ТЖД-ның 20 маманы мен 4 техника жұмылдырылды. Алдын ала мәлімет бойынша оқыс оқиғадан құрбандар мен зардап шеккендер жоқ.

Кейінгі мәліметтер бойынша, өрт 15.55-те ауыздықталған, бірақ толық сөндірілмеген. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!