Мемлекет басшысы Қасым-Жомарт Тоқаев Kazakhstan Paramount Engineering зауытының жұмысымен танысты, - деп хабарлайды Massaget.kz тілшісі Ақорданың баспасөз қызметіне сілтеме жасап.
Президент елорданың индустриалды нысандарын аралау барысында бронды дөңгелекті техника өндіруге және жаңғыртуға маманданған Kazakhstan Paramount Engineering зауытына да барды.
Бұл компания 2013 жылы құрылған. Ол - Қазақстан мен Орталық Азияда дөңгелекті бронды техника шығаратын бірден-бір кәсіпорын.
Қазақстан аумағында өз өндірісін ашу және бәсекеге қабілетті заманауи бронды техникаға сервистік қызмет көрсету, сондай-ақ, түрлі міндеттерді орындауға арналған бронды дөңгелекті машина өндірісін өркендету бұл компанияның артықшылығы саналады. Мемлекет басшысы осы саланы ілгерілетудің келешегі зор екенін айтып, компанияны қорғаныс өнеркәсібіне маманданған отандық кәсіпорындарды дамытуға жан-жақты атсалысуға шақырды.
Instagram парақшамызға жазылып, ең қызықты ақпараттарды бірінші болып оқыңыз!