Алматы қалалық санитарлық-эпидемиологиялық бақылау департаменті ЖРВИ жұқтыру бойынша эпидемиологиялық жағдай туралы мәлімдеме жасады, - деп хабарлайды Massaget.kz тілшісі.
СЭБД мәліметінше, қазір қалада жіті респираторлық вирустық инфекциямен(ЖРВИ) сырқаттану бойынша эпидемиологиялық жағдай тұрақты.
"Өткен аптада ЖРВИ-ның 25 115 жағдайы тіркелді, көрсеткіш 100 мың тұрғынға шаққанда 1174,17 болды, бұл былтырмен салыстырғанда 4,6 пайызға, ал өткен аптадағы көрсеткіштен 21,4 пайызға жоғары. 65,1 пайыз бала ЖРВИ-ді жұқтырған. Қазір тұмаудың зертханалық расталған жағдайлары тіркелмеді, бірақ риновирус сияқты басқа да тұмаусыз ЖРВИ вирустары таралып жатыр", - деді Алматы қаласы санитарлық-эпидемиологиялық бақылау департаменті басшысының орынбасары Әсел Қалықова.
СЭБД мамандарының айтуынша, биыл ауруға шалдығуы мүмкін адамдарды вакциналау үшін жергілікті бюджет қаражатынан ресейлік өндірістегі "Гриппол плюс" үшвалентті вакцинаның 250 мың дозасы сатып алынған.
"25 қыркүйектен бастап қалада тәуекел тобындағы адамдарға тұмауға қарсы вакциналау басталды: бұл медицина қызметкерлері, медициналық ұйымдарда медициналық бақылаудағы балалар, алты айдан асқан жиі ауыратын балалар, жетім балаларға арналған білім беру ұйымдарының балалары және ата-анасының қамқорлығынсыз қалған балалар, балалар үйлері, жүрек-қантамыр жүйесі мен тыныс алу органдарының созылмалы аурулары бар адамдар, медициналық-әлеуметтік мекемелердің қызмет алушылары, 2-ші немесе 3-ші триместрдегі жүкті әйелдер", - деді Қалықова.
27 қыркүйектегі жағдай бойынша тұмауға қарсы "тәуекел тобындағы" 18348 адам вакцинацияланды. Тұмауға қарсы екпе егу қарашаның аяғына дейін жүргізіледі.
Тағы да оқи отырыңыздар: Көздің түсін өзгертуге бола ма?
Instagram парақшамызға жазылып, ең қызықты ақпараттарды бірінші болып оқыңыз!