Алматыдағы жаппай төбелеске қатысқандар ұсталды: біреуі изоляторға қамалды
2023 жылғы 15 қыркүйекке қараған түні Алмалы ауданындағы жаппай төбелеске қатысқандар анықталып, ұсталды, - деп хабарлайды Massaget.kz тілшісі.
Бұл туралы Алматы полиция департаменті хабарлады.
Оқиғаға қатысушылардың бірі ҚР ҚІЖК-нің 128-бабына сәйкес, уақытша ұстау изоляторына қамалды.
"Бұрын хабарланғандай, аталған дерек ҚР Қылмыстық кодексінің 293 бабы 3 бөлігі бойынша тіркеліп, Алмалы аудандық полиция Басқармасымен тергеу амалдары жүргізіліп, сотқа дейінгі тергеу жалғасып жатыр", - делінген хабарламада.
Еске салайық, бұған дейін Алматының орталығында жастар жаппай төбелес болғанын жазған едік.
Әлеуметтік желіде Алматының орталық көшелерінің бірінде болған жастар арасындағы жанжалдың видеосы жарияланды.
Посмотреть эту публикацию в Instagram
Видео авторының айтуынша, оның ұлы мен екі досын бір топ адам ұрып-соғып, смартфонын тартып алған. Бір жігіттің бетіне оқ тигені де айтылады.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лұқпан