Тоқаевтың Нью-Йорктегі жұмыс сапары басталды

Президент Қасым-Жомарт Тоқаевтың Нью-Йорктегі жұмыс сапары басталды, - деп хабарлайды Massaget.kz тілшісі.

Сапар барысында Мемлекет басшысы БҰҰ Бас Ассамблеясы 78-сессиясының Жалпы дебатында сөз сөйлейді, сондай-ақ "Орталық Азия – АҚШ" саммитіне қатысады.

Бұдан бөлек, Президент бірқатар мемлекеттің басшыларымен, халықаралық ұйымдардың және трансұлттық компаниялардың жетекшілерімен кездесу өткізеді деп жоспарланып отыр.

Еске салайық, бұған дейін АҚШ президенті Джо Байден Қасым-Жомарт Тоқаевты АҚШ-тағы саммитке шақырған еді.

C5+1 – Америка Құрама Штаттары үкіметі мен Қазақстан, Қырғызстан, Тәжікстан, Түркіменстан және Өзбекстан үкіметтері үшін аймақтық дипломатиялық платформа.

Қызықты жаңалықтар мен видеоларды көру үшін TikTok арнамызға жазылыңыз!