"Дос-Мұқасан", Әубәкірова, Жұмаділдаев: "Алматының құрметті азаматы" атағы кімдерге берілгені белгілі болды

Қала күнін тойлау Абай алаңындағы "Алматы жүрегімде" халықаралық байқауынан басталды, онда қала әкімі Ерболат Досаев алматылықтарға құттықтау сөз сөйледі, - деп хабарлайды Massaget.kz тілшісі.

Құттықтау сөзінен кейін қала басшысы мегаполистің дамуы мен өркендеуіне елеулі үлес қосқан қала тұрғындарын "Алматы қаласының құрметті азаматы" атағымен марапаттады. Олардың қатарына ғалымдар, дәрігерлер, суретшілер, қоғам қайраткерлері, мысалы, аты аңызға айналған "Дос-Мұқасан" вокалдық-аспаптық ансамблі; танымал суретші Алпысбай Қазғұлов, көрнекті ғалым-антрополог Оразақ Ысмағұлов, математик-ғалым Асқар Жұмаділдаев және басқалар бар.

"Алматы қаласының құрметті азаматы" атағымен марапатталғандардың тізімі:

• "Дос-Мұқасан" аңызға айналған вокалды-аспапты ансамбль;
• Көрнекті антрополог ғалым Оразақ Ысмағұлов;
• Белгілі суретші, "Қазақстан Суретшілер одағы" РҚБ мүшесі Алпысбай Қазғұлов;
• Қазақстанның Халық әртісі Жәния Әубәкірова;
• Қоғам қайраткері, "Ауғанстандағы соғыс ардагерлері мен мүгедектері қоғамдық бірлестіктерінің үйлестіру кеңесі" ҚБ төрағасы Мұрат Абдушукуров;
• Мемлекет және саяси қайраткер Сәт Тоқпақбаев;
• ҚР ҰҒА академигі Ғахип Уәлиев;
• Ғалым-математик, ҚР ҰҒА академигі Асқар Жұмаділдаев;
• ҚР еңбек сіңірген жаттықтырушысы, спорт ардагері, футболшы Құралбек Ордабаев;
• "Акушерлік, гинекология және перинатология ғылыми орталығы" АҚ Директорлар кеңесінің төрайымы Зәуреш Аманжолова.

Instagram парақшамызға жазылып, ең қызықты ақпараттарды бірінші болып оқыңыз!