Екібастұзда моншадан шыққан өрттен 50 жастағы ер адам қаза тапты, - деп хабарлайды Massaget.kz тілшісі pavlodarnews.kz-ке сілтеме жасап.
Екібастұз төтенше жағдайлар басқармасының баспасөз қызметінің мәліметінше, өрт туралы 15 қыркүйек күні сағат 22:43-те хабар жеткен.
"101 байланысына Екібастұз қаласы, 21 Южный к-сі, 4 үйде, монша жанып жатқаны туралы айтылды. Шақыру орнына Павлодар облысының ТЖД "ӨС және АҚЖҚ" ММ күштері мен құралдары жұмылдырылды, яғни тілсіз жаумен арпалысқа 16 қызметкер 6 техникамен аттанды. Барғаннан кейін алаңы 40 шаршы метр кірпішпен қапталған шаруашылық құрылысының жанып жатқаны анықталды. Барлау барысында шаруашылық құрылысында тұратын 1974 жылы туылған азаматтың денесі табылды", - делінген хабарламада.
Сонымен қатар оқиға орнына 103, 102 қызметтері де жіберілген. Өртті сағат 22:55-те ауыздықтап, 23:20-да сөндірген.
Қызықты жаңалықтар мен видеоларды көру үшін TikTok арнамызға жазылыңыз!