Алматыда көші-қон заңнамасын бұзған 700-ге жуық шетел азамат жазаланды

Алматыдағы қылмыстық ахуалды тұрақтандыру және ҚР көші-қон заңнамасын бұзушыларды анықтау мақсатында 11 қыркүйек пен 30 қыркүйек аралығында "Жалдамалы" іс-шарасы өтіп жатыр, - деп хабарлайды Massaget.kz тілшісі polisia.kz-ке сілтеме жасап.

Іс-шараның 4 күнінде 695 көші-қон заңнамасын бұзушы әкімшілік жауапкершілікке тартылды.

"Атап айтқанда, ҚР болу ережелерін бұзғаны үшін 209 шетелдік жауапкершілікке тартылса, шетелдіктердің ҚР болуының заңдылығын қамтамасыз ету шараларын қолданбағаны үшін 122 қабылдаушы заңды және жеке тұлғаға айыппұл салынды. Сонымен қатар жеке басын куәландыратын құжаты жоқ 206 шетел азаматы ПД-ның қабылдап-таратуына орналастырылды. 34 шетелдік сот шешімімен Қазақстаннан шығарылды", - деді Алматы полиция департаменті көші-қон қызметі басқармасының бастығы Асхат Бутунчинов.

Сондай-ақ Алматы полициясының қызметкерлері жедел іс-шара барысында Ресей Федерациясының Самара облысының полицейлері іздеп жүрген 1992 жылы туған қылмысқа қатысы бар азаматын ұстады.

Өзекті жаңалықтарды өз уақытында оқу үшін Facebook парақшамызға жазылыңыз!