Comic Con Astana фестиваліне Голливуд жұлдызы Майкл Рукер келеді

Фото: Владислав Семенов

04 қыркүйек 2023, 15:03

Белгілі Голливуд актері Майкл Рукер ҚР астанасында 15-17 қыркүйек аралығында өтетін Comic Con Astana фестивалінің басты қонақтарының бірі болады. Бұған дейін бұл іс-шараға Рукердің Marvel және DC жобаларындағы әріптесі Шон Ганн қатысатыны белгілі болды, ол "Галактика сақшылары" фильмінде Краглин мен Зымыран рөлін орындаушы.

Майкл Рукер бүкіл әлем көрермендеріне Режиссер Джеймс Ганнның "Галактика сақшылары" трилогиясындағы Йонду рөлімен таныс. Бұдан басқа, Рукер "Егерде…?" Marvel анимациялық телехикаясында сол кейіпкерді дыбыстады. Бірақ бұған дейін де актер "Жүріп жүрген мәйіттер" телехикаясындағы Мерл Диксонның протездік қолы бар адам рөлімен танымал болған. Сондай-ақ, жанкүйерлердің естеріндегідей Рукер "Нағыз детектив" фильмінің үшінші маусымындағы рөлін сомдады.

Жалпы, Майкл Рукер харизматикалық қосалқы кейіпкерлердің көптеген рөлдерімен танымал. Оның 35 жылдан астам фильмографиясында "Жанкештілер жасағы: Сыртқа ұшырту миссиясы" (Шон Ганн Ласка рөлін сомдаушы ретінде қатысты, қазіргі DC Studios бірлескен директоры Джеймс Ганн режиссерлік етті), "Форсаж 9" және "Форсаж 10", Оливер Стоунның "Джон Ф. Кеннеди. Далластағы атыс", "Миссисипи өрт құшағында", "Телепорт", "Офис" эксперименті" (онда Шон Ганн да ойнады), "Қанішерлермен ауыстыру", Том Крузбен "Найзағай күндері" және Сильвестр Сталлонемен "Скололаз" атты бірге ойнаған жобалары бар. Сондай-ақ, Рукер түскен телехикаяларының арасында атап өтетіндері: "C. S. I.: Майамидегі қылмыс орны", "Заң және тәртіп", "Қылмыскер сияқты ойлау" және "Мүмкін болудан тыс".

Сонымен қатар, Майкл Рукер Call of Duty бейне ойындарын жасауға қатысқан.

Іс-шара барысында Майкл Рукер жанкүйерлермен араласып, фестиваль қонақтарына қолтаңба сессиясын өткізеді деп күтілуде.

Естеріңізге сала кетейік, Comic Con Astana - комикстер, кинематография, бейне ойындар, аниме және қазіргі заманғы танымал мәдениеттің өзге де бағыттарына арналған халықаралық фестиваль.

Фестивальдің ресми серіктестері: Яндекс Плюс және Кинопоиск онлайн-кинотеатры.

16-17 қыркүйек аралығында "Майор Гром: Ойын" фильмінің авторларымен, қатысушыларымен танысу, қолтаңба сессиясы және "Объяснялкины" анимациялық сериалын тамашалау күтілуде.

Іс-шараның қонақтары "Майор Гром: Ойын" фильмінің жасаушылары болады, олардың арасында Сергей Горошко, Александр Сетейкин, Матвей Лыков, Олег Трофим, Артем Габрелянов және Михаил Китаев бар. Олардың жанкүйерлермен кездесуі ұмытылмас сәтке айналатыны сөзсіз.

Сондай-ақ 17 қыркүйекте фестиваль қатысушылары "Түсіндіргіштер" анимациялық сериялының жасаушылары: Сыендук, Егор Лоскутов және Евгений Блинниковке жеке сұрақтарын қоя алады.

Фестивальде қатысушыларға әртүрлі кейіпкерлерге деген сүйіспеншіліктерін білдіруге мүмкіндік беретін косплей байқауы өтеді. Жалпы жүлде қоры – 10,000,000 тг.

Биылғы бағдарламаның жаңалықтарының қатарына аниме мен мангадан J-Pop және K-Pop-қа дейінгі азиялық поп-мәдениетке арналған Pop Asia тақырыптық көрме аймағын біріктіру кіреді.

Шетелден келер тағы бір кино жұлдызы — "Супермен" үштемесі, Гай Ричи жасаған "Револьвер" мен Эмир Кустурица жасаған "Андерграунд" секілді фильмдерге қатысқан Франция кинопродюсері — Пьер Спенглер.

Сондай-ақ, Конвентте техно-гиктерге арналған интерактивті аймақ құру жоспарлануда, оның шеңберінде ойын өндірушілерінен түрлі мазмұн ұсынылатын болады.

Фестивальдің барлық қонақтары үшін фуд-корттың жұмысы ұйымдастырылады, ал ең кішкентай келушілер үшін Arsenal Kids балалар қалашығы жұмыс істейді, онда шеберханалар, үстел ойындары, бет бояуы, твистер және т. б. қолжетімді болады.