Қостанайлық өртсөндірушілер өрт сөндіру кезінде 9 қабатты тұрғын үйден екі баланы алып шықты, - деп хабарлайды Massaget.kz тілшісі "Наша газета" басылымына сілтеме жасап.
Садовая көшесіндегі 9 қабатты тұрғын үйде өрт шыққаны туралы хабарлама 30 тамызда сағат 12:55-те 101 құтқару қызметіне түскен.
ТЖД баспасөз қызметі мәліметінше, өртсөндірушілер келгеннен кейін 4-қабаттағы пәтерде, яғни 5 шаршы метр аумақта ас үй жиһазы жанып жатқаны анықталған.
"3 адам (оның ішінде 2 бала) шығарылып, 6 адам эвакуацияланды", - деді ведомство өкілі.
Өртсөндірушілердің бірі 2023 жылы туған баланы құтқарып қалған. Өрт сағат 13.10-да оқшауланып, 13.15-те ауыздықталған.
Құрбандар мен зардап шеккендер жоқ.
Instagram парақшамызға жазылып, ең қызықты ақпараттарды бірінші болып оқыңыз!