Алматының Ақкент шағын ауданындағы тұрғын үйден тағы өрт шықты, - деп хабарлайды Massaget.kz тілшісі.
Бүгін сағат 19:29-да 101 пультіне Алматының Алатау ауданы Ақкент шағынауданындағы тоғыз қабатты тұрғын үйлердің бірінде 5-қабатта өрт шыққаны турал хабар түскен.
Пәтердің асүйінде ауа сорғыш жанғаны белгілі болды.
Өрт сағат 19:49-да сөндірілді.
Зардап шеккендер жоқ.
Еске салайық, 2023 жылғы 1 тамызда Алматыдағы Ақкент шағынауданындағы тұрғын үйде өрт шыққаны хабарланды. Кейін өрттен зардап шеккендер саны анықталды.
Ақкент тұрғын үй кешенінің тұрғыны Дидар өрт туралы айтты. Ол - өрттен аман қалған тұрғындардың бірі. Ал Тілеужан есімді жігіт өрттен 6-7 адамды құтқарып алған. Ер адам 1 жасар баланы, көршінің отбасын, бір жігітті және полиция қызметкерін аман алып қалды.
Ал Түркия азаматы Шүкүр Гюнай Ақкенттегі өрт кезінде 16-қабатта қалған балаларды құтқарған.
Сондай-ақ, өрт шыққан үйдің ішкі көрінісі жарияланды.
Қызықты жаңалықтар мен видеоларды көру үшін TikTok арнамызға жазылыңыз!