Григорий Ломакин Таиландтағы турнирдің чемпионы атанды
Фото:
Қазақстан теннис федерациясының баспасөз қызметі
Қазақстандық Григорий Ломакин Накхонситхаммаратта (Таиланд) өткен ITF турнирінің чемпионы атанды, - деп хабарлайды Massaget.kz тілшісі.
Дүниежүзілік рейтингте 1057-орында тұрған қазақстандық теннисші жүлде қоры 15 мың АҚШ долларына бағаланған жарыс барысында бес теннисшіні тізе бүктірді.
Финалда 25 жастағы Григорий Ломакин әлемнің 680, доданың 3-ракеткасы Касидит Самреймен бас жүлдені сарапқа салды.
Бірінші партияда қазақстандық спортшы тай-брейкте әбжілдік танытты – 7:6 (7:2). Екіншісінде 4:6 есебімен есе жібергенімен, шешуші сетте жеңісті жұлып алды – 6:3.
Аптаның басты оқиғалары мен пайдалы видеоларды көру үшін YouTube арнамызға жазылыңыз
М. Лұқпан