Жетісу облысында жантүршігерлік жол апаты болды: көлік аударылып кеткен

Жетісу облысында BMW маркалы көлігі аударылып, бір әйел қаза тапты, - деп хабарлайды Massaget.kz тілшісі облыстық Полиция департаментінің баспасөз қызметіне сілтеме жасап. 

Жол апаты "Алматы-Өскемен" автожолының 323 шақырымында болды. Неміс шетелдік көлігін 38 жастағы әйел басқара алмай, аударылып кеткен. 

Фото: instagram.com/zhetysu.police

Апат салдарынан көлік салонында болған 49 жастағы әйел оқиға орнында көз жұмды. Жүргізушімен бірге тағы бір жолаушы дене жарақаттарымен Талдықорған ауруханаларының біріне жатқызылды.

Фото: instagram.com/zhetysu.police

Полиция барлық жүргізушілерді жылдамдық режимін қатаң сақтауға шақырады. Есіңізде болсын, жол ережесін елемеу қайғылы зардаптарға әкелуі мүмкін.

Қызықты жаңалықтар мен видеоларды көру үшін TikTok арнамызға жазылыңыз!