Жүргізуші ұйықтап кеткен: Жетісу облысында жантүршігерлік жол апатынан 2 адам қаза тапты
Фото:
ІІМ
Жетісу облысында жантүршігерлік жол апатынан 2 адам қаза тапты, - деп хабарлайды Massaget.kz тілшісі ІІМ баспасөз қызметіне сілтеме жасап.
Жол апаты Көксу ауданында болған. 41 жастағы ер адам басқарған шетелдік көлік Алматы-Өскемен тасжолының 203-шақырымында жол бойындағы темір қоршауға соғылды.
Оқиға орнында жүргізуші мен оның 39 жастағы жолаушысы қаза тапты. Тағы үш жолаушы жақын маңдағы ауруханаға жеткізіліп, медициналық тексеруден кейін амбулаториялық емделуге жіберілді.
Жол апаты, болжам бойынша, жүргізушінің шаршап, көлік тізгінінде қалғып кетуіне байланысты болған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова