Алматы облысында құтқарушылар үш баласымен саңырауқұлақ теруге кеткен әйелді түні бойы іздеді, - деп хабарлайды Massaget.kz тілшісі Республикалық жедел-құтқару жасағының баспасөз қызметіне сілтеме жасап.
12 тамызда үш баласы бар ана жол талғамайтын көлікпен Асы үстіртіне қарай саңырауқұлақ теруге кетіп, кешке қарай үйге оралмаған. Телефоны өшірулі болған.
Кешке ТЖМ Республикалық жедел-құтқару жасағының жедел тобы отбасын іздеуге шықты.
Іздеу жұмыстары түні бойы жүргізіліп, бүгін таңғы сағат 10:00-де құтқарушылар оларды тапты.
Қызықты жаңалықтар мен видеоларды көру үшін TikTok арнамызға жазылыңыз!