Өскеменде Арбаттағы арт-нысан баланың үстіне құлады
Өскеменде Арбаттағы конструкциялардың бірі кәмелетке толмаған баланың үстіне құлады, - деп хабарлайды Massaget.kz тілшісі YK-news.kz басылымына сілтеме жасап.
Әлеуметтік желіде домалақ сақина тәрізді құрылым баланың үстіне құлады деген ақпарат тарады.
Посмотреть эту публикацию в Instagram
ШҚО Полиция департаменті мұндай оқиға Өскеменде шынымен болғанын растады.
"Дерек белгіленген тәртіппен тіркелді, тергеу амалдары жүргізіліп, оқиғаның мән-жайы анықталып жатыр", - деп түсіндірді полицейлер.
"Таза Өскемен" КМК ілулі тұрған арт-нысан "Сырға" деп аталатынын және әткеншек ретінде пайдалануға арналмағанын түсіндірді.
"Алайда, ауыр массасы бар арт-нысан ашылған кезде оған күш түсіретіндер көп. Оған бірден бірнеше адам отырады, құрылымды айналдырады. Мұндай жағдайларда бекіту элементтері тез тозады және жарамсыз болады", - деп қосты компания өкілдері.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан