Әлеуметтік желіде Қырғызстан премьер-министрі орынбасарының ұлы мен Ұлттық қауіпсіздік мемлекеттік комитетінің төрағасы Қамчыбек Ташиев Тай-Мұрастың ұлының демалыстағы бірге түскен суреттері талқыланып жатыр. Суреттерді Instagram желісінде оның жұбайы Еркейім Абдуллаева бөлісті, - деп хабарлайды Massaget.kz тілшісі 24.kg агенттігіне сілтеме жасап.
Ерлі-зайыптылар жағажай маңындағы барда суретке түскен. Әлеуметтік желі қолданушылары Тай-Мұрас Ташиевтің сағатына назар аударды.
Садыр Жапаровтың жиені Лазат Нұрғожоеваның Rolex сағаттары да желі қолданушылардың назарын аударды. Суреттерге қарағанда, ол Қытайда демалып жатыр.
"Ханның жиені де жақсы жайғасыпты. Қытайлық туыстарымен демалып жатыр, Rolex сағаты бар сияқты", - деп жазады қолданушылардың бірі.
24.KG сайтының мәліметінше, бұл Қырғызстанның жоғары лауазымды шенеуніктерінің балалары әлеуметтік желі қолданушыларының назарына түсу алғаш рет емес. Тай-Мұрас Ташиев Жалал-Абад қалалық кеңесінің депутаты болып тұрған уақытта, жиі жаңалық беттерінен түспейтін. Ал Садыр Жапаровтың жиені әдемі өмірін көрсетумен танымал болды. Ол өзінің 21 жасын Novotel-де атап өтті, ал жақында Sheraton-да өзінің жеке киім брендін таныстырды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!