Бүгін ауа райы қандай болады?

Синоптиктер 16 шілдеге арналған ауа райы болжамын ұсынды, - деп хабарлайды Massaget.kz тілшісі.

Метеорологтардың мәліметінше, Қазақстанның батысында, солтүстігінде, шеткі шығысында және оңтүстік-шығысында атмосфералық фронталь бөліктердің өтуімен тұрақсыз ауа райы сақталады, жаңбыр жауады, батыста - қатты жаңбыр, найзағай ойнап, бұршақ жаууы мүмкін, ал елдің қалған бөлігінде ауа райы негізінент ұрақты. Республика бойынша жел күшейеді, түнде солтүстікте тұман күтіледі.

Алматы облысының басым бөлігінде және Ұлытау, Жетісу облыстарында, Шығыс Қазақстанның оңтүстігінде, Қостанайда, Ақтөбе облысының оңтүстік-шығысында және Абай облысының оңтүстігінде қатты ыстық +35-38 градус болады. 

Батыс Қазақстан облысының оңтүстік-батысында жоғары өрт қаупі күтіледі.

Түркістан, Алматы, Шығыс Қазақстан, Павлодар, Қарағанды, Қызылорда, Жамбыл, Маңғыстау, Ақмола, Солтүстік Қазақстан облыстарының басым бөлігінде, Ұлытау, Абай, Жетісу облыстарының басым бөлігінде, оңтүстікте, Ақтөбенің оңтүстік-шығысында, Қостанайдың оңтүстігінде, батыста, Атырау облысының шығысында төтенше өрт қаупі күтіледі.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!