Рудныйда ағаштан құлап, басынан ауыр жарақат алған 8 жасар бала жасанды тыныс алу аппаратында жатыр, - деп хабарлайды Massaget.kz тілшісі.
Рудный қалалық көпсалалы ауруханасы баспасөз қызметінің мәліметінше, 11 шілде күні кешке жансақтау бөліміне 2015 жылы туған бала түскен. Ол ағаштан құлаған.
"Оған ашық бассүйек-ми зақымы, бас сүйегінің сынуы, ауыр дәрежедегі ми зақымы диагнозы қойылды. Қазір бала жасанды тыныс алу аппаратында жатыр", - делінген хабарламада.
Аурухананың баспасөз қызметінің хабарлауынша, 12 шілде сағат 15:00-дегі жағдай бойынша баланың жағдайы тұрақты ауыр деп бағаланып отыр.
"Қазіргі уақытта бала санитарлық авиация желісі арқылы Қостанай облыстық балалар ауруханасына жеткізіледі", - дейді Рудный қалалық көпсалалы аурухана мамандары.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!