"Балқаштағы жарылыс" видеосы автожолды жоспарлы жөндеу кезінде түсірілгені рас па?

Әлеуметтік желілерде автомобиль жолындағы жарылыстың салдары көрсетілген видео тарады. Желі қолданушылардың айтуынша, бұл кадрлар Балқашта түсірілген. Алайда бұл шындыққа сәйкес келмейді, - деп хабарлайды Massaget.kz тілшісі.

Балқаш әкімдігі жарылыс туралы ақпаратты теріске шығарды.

"Балқашта да, оның маңында да жарылыс болған жоқ, қала тыныш", - деді Балқаш әкімінің баспасөз хатшысы Темірлан Игембай.

Видеодағы жарылыс - жолды реконструкциялау аясындағы жоспарлы жұмыстар.

"Балқаш-Бурылбайтал" автожолының, лот-3, 1955-2005 шақырым бөлігін қайта құру учаскесінде жобаға сәйкес бұрғылау-жару жұмыстары жүргізілді. Бұл учаскеде жартасты топырақта қазба жұмыстары жүргізіліп жатыр", - деп түсіндірді Индустрия және инфрақұрылымдық даму министрлігі Автомобиль жолдары комитетінің баспасөз қызметі өкілдері. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!