Ағзаны токсиндерден тазалау үшін не істеу керек? 

Невролог Ұлжалғас Сманова өзінің инстаграм парақшасында токсиндерден тазалу жолдарын ұсынды, - деп хабарлайды Massaget.kz тілшісі.

Дәрігер токсиннен тазару оңай екенін айтты.

"Біз қалаған уақытымызда ағзамызды артық шлактардан, токсиннен тазарта аламыз. Ауру асқынбасын десеңіз, шлак-токсиндерден құтылыңыз. Токсинді шығару үшін адам әрекеттену керек. Өйткені ағза оларды өздігінен шығара алмайды. Мысалы, біз жиі сөз ететін органдар - асқазан-ішек жолдары, өт, бауыр, тері - нағыз токсиндердің жиналатын жері", - деді ол.

⠀Токсиндер қалай жиналады?

• тамақтарды дұрыс қолданбау;
• ащы тағамдарды көп жеу;
• зат алмасу процесінің бұзылуы;
• антибиотиктерді ұзақ уақыт қолдану;
• қорғаныш функцияларының әлсіз болуы;⠀

Ағзада токсиндер бар екенін қайдан білеміз?

"Кейде қараптан-қарап бас ауыратын кез болады. Қанша ұйықтасаңыз да, ұйқы қанбай, не шашыңыз түсіп, тері бүлінетін кез көп кездеседі. Бұның бәрі токсиннің көп екенін білдіреді", - деді дәрігер.

Сонымен қатар, мына белгілер де ағзада токсин көп екенін білдіреді:

• Буыныңыздың қақсап ауыруы;
• Тәбетіңіз болмауы;
• Асқазаныңызда ауырлық сезімі пайда болуы;
• Үнемі шөлдеу;
• Аузыңыздан жағымсыз иіс шығу.

Ағзаны токсиндерден тазалау үшін не істеу керек? 

Дәрігер Ұлжалғас Сманова шлактан құтылуға көмектесетін кеңестер ұсынды:

1. Су ішу нормасын сақтау;
2. Жартылай дайын өнімдерден, консерванты мен бояуы бар тамақтардан бас тарту;
3. Зиянды тамақтарды мүлдем жемеу;
4. Апта сайын моншаға бару;
5. Физикалық қозғалыста болу;
6. Ұйқы мен демалысты реттеу;
7. Түймедақ шайын ішу;
8. Ақжелкен мен аскөкті жиі жеу.

Өт айдайтын дәрі-дәрмектердің пайдасы мен зияны