Telegram-да Stories пайда болады. Бұл функция туралы Павел Дуров жариялады, - деп хабарлайды Massaget.kz тілшісі.
Павел Дуровтың айтуынша, Telegram-дағы Stories функциясы шілдеде қолданушыларға қолжетімді болады.
"Біздің қолданушылар бірнеше жыл бойы бізден Stories-ті Telegram-ға енгізуді сұрап келеді. Бізге келіп түсетін сауалдың жартысынан көбі Stories-ке қатысты.
Бастапқыда біз бұған қарсы болдық, өйткені бұл функция барлық жерде бар. Дегенмен егер қолданушыларға құлақ аспасақ, тыңдамасақ және бар форматтарды жаңартпасақ, Telegram Telegram болмас еді. Жақында біз Telegram стилінде Stories-ті іске қосамыз", - деп жазды Дуров өз арнасында.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!