Талғардағы автовокзал маңында екі топ жастар жаппай төбелес шығарды. Оқиға өтіп бара жатқан көліктің бақылау камерасына түсіп қалған, - деп хабарлайды Massaget.kz тілшісі.
Төбелес түнгі сағат екілер шамасында болған. Кадрлардан қақтығыс орталық көшенің екі жағында өрбігенін көруге болады. Кейбір жігіттердің қолында таяқтар бар.
Instagram желісіндегі kris_p_talgar парақшасында жарияланған видеоның астына Алматы облысы Талғар ауданы бойынша полиция басқармасының басшысы Рүстем Жарықбасов оқиғаға қатысты түсінік берген.
"Аталмыш факті бойынша ҚР Қылмыстық кодексінің 293-бабы ("Бұзақылық") бойынша қылмыстық іс қозғалып, осы оқиғаға қатысушылар Талғар аудандық полиция бөліміне жеткізілді", - деді полиция полковнигі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!